《耶穌言行錄》

| | | 轉寄

Tē-54-tsiuⁿ,Tshàu-hī-lâng Kuà ê-káu tit-tio̍h hó

作者 Ko Kim-sing. 2009.04.19

（Má-khó 7：31-37）
Iâ-so͘ lī-khui Tshiu-lô Se-tùn ê só͘-tsāi tò-tńg khì Ka-lī-lī hái.Ū lâng tshuā tio̍h-pīⁿ ê lâng lâi tshiáⁿ Iâ-so͘ i-hó i.Lāi-tiong ū tsi̍t ê tshàu-hī-lâng kuà é-káu，Iâ-so͘ tsiū tshuā i khì phian-phiah ê só͘-tsāi，īng tsńg-thâu-á lâi thàm I ê hī-khang，phuì-nuā buah i ê tsi̍h.Iâ-so͘ ǹg thiⁿ thó͘-khuì kóng，"Í-huat-tāi，huan-i̍k tsiū-sī hī-khang tio̍h lāi.Hī-khang tsik-sî lāi，tsih-kun tháu，kóng uē bîng-bîng.

Tsìng-lâng khuàⁿ-kìⁿ put-tsí kî-kuài，tsiū tuā siaⁿ kiò kóng，"I só͘ tsuè sī hó， tshàu-hī-lâng—ê uē thiaⁿ-kìⁿ，é-káu—ê uē kóng uē. "

Hiān-sî se-kok tsuē-tsuē só͘-tsāi ū siat-lip tsit hō ê o̍h-tn̂g hō͘ tshàu-hī-lâng é-káu tiàm--teh；ia̍h ū sian-siⁿ the kà-sī hō͘ in uē-hiáu-tit Iâ-so͘ ê hok-im.Hit ê kà-sī ê huat-tō͘ sī īng tsńg-thâu-á lâi tàu tsiâⁿ jī，khuàⁿ só͘ tàu ê jī ná tshin-tshiūⁿ thiaⁿ kóng-uē tsi̍t-puaⁿ-iūⁿ.Kūn-lâi ū siat-lip koh-khah ò-biāu ê huat-tō͘，tsiū-sī kà in tshut-siaⁿ，tsóng-sī tio̍h īng tsuē-tsuē sim-ki，koh tsin kú kà-sī，tsiah hō͘ i uē kóng uē.Lūn kàu tshàu-hī-lâng tsiū bô huat-tō͘ hō͘ hī-khang uē lāi.

Lâng sui-bóng ū pún-sū，ia̍h khíng o̍h Iâ-so͘ ê khuán-sit，huaⁿ-hí lī-ik lâng，iáu-kú ū hāng tsuè buē tit lâi，nā-sī Iâ-so͘ bô só͘ m̄ uē.

思羅安台語點字網站