《耶穌言行錄》

| | | 轉寄

Tē-61-tsiuⁿ,Tshut-sì tsiū tshiⁿ-mî，An-hioh-ji̍t tit-tio̍h kng

作者 Ko Kim-sing. 2009.06.07

（Iok-hān 9：1-41）
Ū tsi̍t ji̍t，Iâ-so͘ tshut tī kue—lō͘ nit，tú-tio̍h tsi̍t ê khit-tsia̍h tshut-sì tsiū tshiⁿ-mî.Iâ-so͘ lîn-bín i，tsiū phuì-nuā tshiau thô͘ kô͘ i ê ba̍k-tsiu，kah i khì Se-lô-a ê tî sué.Hit ê lâng khì sué，tò-tńg-lâi ba̍k-tsiu liâm-piⁿ kng.Tshù-piⁿ ê lâng khuàⁿ-kìⁿ i ê ba̍k-tsiu kng，put-tsí kî-kuài，ū lâng kóng，"Tsit ê lâng kiám m̄-sī tī lō͘-piⁿ tsuè khit-tsia̍h mah？"Ū lâng kóng，"Tio̍h，"ū lâng kóng，"I ê bin tshin-tshiūⁿ.Tshiⁿ-mî lâng jīn kóng，"Guá tsiū-sī. "Lâng mn̄g i kóng，"Lí ê ba̍k-tsiu tsáiⁿ-iūⁿ uē kng？"Tshiⁿ-mî ê lâng ìn kóng，"Ū miâ Iâ-so͘—ê，īng nuā tshiau thô͘ kô͘ guá ê ba̍k-tsiu，kah guá khì sué tī Se-lô-a ê tî；khì sué tsiū kng. "Tsìng-lâng kóng，"Hit ê lâng tī tah-lo̍h？"I ìn kóng，"Guá m̄-tsai. "Tsìng-lâng tsiū tshuā i khì Huat-lī-sài lâng ê só͘-tsāi.Hit ji̍t sī an-hioh-ji̍t.

Huat-lī-sài lâng mn̄g，"Ba̍k-tsiu tsáiⁿ-iūⁿ uē kng？" I ìn kóng，"I īng thô͘ kô͘ guá ê ba̍k-tsiu，guá sué tsiū kng. "Ū lâng kóng，"I bô siú an-hioh-ji̍t，m̄-sī tuì Siōng-tè tau tshut. "Ū-ê kóng，"Ū tsuē ê lâng beh thái uē kiâⁿ tsit hō ê sîn-jiah？"Koh mn̄g kóng，"Í-king hō͘ lí ê ba̍k-tsiu kng，lí phah-sǹg sī sím-mi̍h hō ê lâng？"Ìn kóng，"Sī sian-ti lâng. "

Iû-thài lâng m̄ sìn i tshiⁿ-mî uē koh kng，tsiū kiò I ê pē-bú lâi mn̄g kóng，"Lín kóng lín ê kiáⁿ tshut-sì tsiū tshiⁿ-mî，kiám sī tsit lâng mah？Taⁿ tsáiⁿ-iūⁿ uē kng？"I ê pē-bú kóng，"Guán tsit ê kiáⁿ tshut-sì tsiū tshiⁿ-mî，guán tsai，taⁿ tsáiⁿ-iūⁿ i ê ba̍k-tsiu kng，guán m̄-tsai，tsī-tsuī-á hō͘ i ê ba̍k-tsiu kng，guán iā m̄-tsai；i í-king tuā-hàn，thang mn̄g i. "Huat-lī-sài lâng koh-tsài kiò tsit ê lâng kóng，"Tio̍h tsiong îng-kng kui hō͘ Siōng-tè，guán tsai tsit ê lâng sī ū tsuē ê lâng. "Pîng-sò͘ tshiⁿ-mî ê lâng ìn kóng，"I sī ū tsuē ê á bô，guá m̄-tsai；tsá guá tshiⁿ-mî，taⁿ ba̍k-tsiu kng，guá tsai. "Koh mn̄g kong，"I sī tsáiⁿ-iūⁿ tsuè？"Ìn kóng，"Guá í-king kā lín kóng，lín m̄-thiaⁿ，siáⁿ-sū ài koh-tsài mn̄g？Kiám sī ài beh tsuè I ê ha̍k-sing mah？"Tsìng-lâng mē i kóng，"Lí sī I ê ha̍k-sing，guán sī Mô͘-se ê ha̍k-sing.Siōng-tè huan-hù Mô͘-se sī guán só͘ tsai，to̍k-to̍k tsit ê lâng guán m̄-tsai tuì tah-lo̍h lâi.
"Ìn kóng，"I hō͘ guá ê ba̍k-tsiu kng，lín ia̍h m̄-tsai I tuì tah-lo̍h lâi，kiám m̄-sī kî-kuài mah？Tuì kó͘-tsá kàu taⁿ bē-bat thiaⁿ-kìⁿ tshut-sì tsiū tshiⁿ-mî ê ba̍k-tsiu，lâng uē hō͘ i kng.Tsit hō ê lâng，nā m̄-sī tuì Siōng-tè tshut，tsiū buē-uē án-ni tsuè. "Tsìng-lâng siū-khì，kik i tshut.Iâ-so͘ thiaⁿ-kiⁿ i hō͘ lâng kik tshut，khì tú-tio̍h i tsiū kóng，"Lí sìn Siōng-tè ê Kiáⁿ mah？"Ìn kóng，"Tsú ah，I sī tsī-tsuī hō͘ guá sìn I？"Iâ-so͘ kóng，"Kap lí kóng ê lâng tsiū-sī. "Ìn kóng，"Tsú ah，guá sin；"tsiū pài I .

Lâng tshut-sì tsiū tshiⁿ-mî tsin-tsiàⁿ sī khó-sioh.Iáu ū tsi̍t hāng pí tshut-sì tshiⁿ-mî koh-khah siong-tiōng，tsiū-sī sim o͘-àm，m̄-tsai tsuē，buē hiáu-tit jīn Iâ-so͘ tsuè Kiù-tsú.

Lán tio̍h kiû Siōng-tè khui lán ê sim-ba̍k，hō͘ lán ê o͘-àm pìⁿ tsuè kng，tsiah uē bîng-pi̍k Siōng-tè ê tsí-ì，kiâⁿ I só͘ huaⁿ-hí ê tāi-tsì，kui îng-kng tī Siōng-tè，lō͘-bé hióng-siū íng-uán ê hok-khì.

思羅安台語點字網站