《耶穌言行錄》

| | | 轉寄

Tē-64-tsiuⁿ,Khiau-ku—ê tit-tio̍h hó

作者 Ko Kim-sing. 2009.06.28

（Lō͘-ka 13：10-17）
Tī tsi̍t ê an-hioh-ji̍t，Iâ-so͘ ji̍p huē teg5 kà-sī lâng.Ū-tsi̍t ê hū-jîn-lâng hō͘ Sat-tàn só͘ tîⁿ，pīⁿ tsa̍p-pueh nî kú，ka-tsiah ku-ku buē tshun-ti̍t.Iâ-so͘ khuàⁿ-kìⁿ tuì hū-jîn-lâng kóng，"Lí ê pīⁿ thang tháu lah；"tsiū īng tshiú kā i huāⁿ.Hū-jîn-lâng liâm-piⁿ tshun-ti̍t，kui îng-kng hō͘ Siōng-tè.

Kuán huē-tn̂g ê khuàⁿ-kìⁿ Iâ-so͘ tī an-hioh-ji̍t i-pīⁿ，tsiū uàn-hūn，kā tsìng-lâng kóng，"La̍k-ji̍t tsū-jiân tio̍h tsuè-kang，thang lâi i-pīⁿ，an-hioh-ji̍t m̄-thang. "Tsú kóng，"Ké-hó ê lâng ah，tī an-hioh-ji̍t lín ta̍k-lâng kiám bô khì tiâu-nih tháu gû，lû，khan-khì hō͘ i lim tsuí mah？Hô-hòng tsit ê hū-jîn-lâng，sī A-pik-lia̍p-hán ê hō͘-è，hō͘ Sat-tàn pa̍k tsa̍p-pueh nî kú，kiám m̄ ing-kai tī an-siàu，tsìng-lâng khuàⁿ-kìⁿ I kiâⁿ tāi-tsì kng-bîng，tsiū huaⁿ-hí.

Lâng pún hō͘ Mô͘-kuí só͘ pé-pa̍k，pí hit ê hū-jîn-lâng ê pīⁿ khah siong-tiōng.Iâ-so͘ ū kuân uē kā lâng tháu-pàng；tsóng-sī lâng nā ài tit-tio̍h I ê tsín-kiù，tio̍h kūn-uá I.Hit ê hū-jîn-lâng lé-pài-ji̍t ji̍p huē-tn̂g，tuì án-ni tit-tio̍h un-tián.Tse sī hō͘ lán tsai lé-pài-ji̍t kàu lé-pài-tn̂g hit ê tāi-tsì tio̍h put-tsí tuì-tiōng，in-uī Iâ-so͘ huaⁿ-hí tī an-hioh-ji̍t si-un.

思羅安台語點字網站