《耶穌言行錄》

| | | 轉寄

Tē-69-tsiuⁿ,Tsa̍p ê thái-ko—ê

作者 Ko Kim-sing. 2009.08.02

（Lō͘-ka 17：12-19）
Iâ-so͘ king-kè tsi̍t ê hiuⁿ-siā，ū tú-tio̍h tsa̍p ê thái-ko ê lâng hn̄g-hn̄g teh khiā，tuā siaⁿ kóng，"Iâ-so͘ Sian-siⁿ ah，lîn-bín guán. "Iâ-so͘ khuàⁿ-kìⁿ tsiū kā in kóng，"Lín tio̍h khì hō͘ tsè-si khuàⁿ. "In khì ê sî tsiū tit-tio̍h tshing-khì.In tsi̍t lâng khuàⁿ-kìⁿ ka-kī í-king hó，tsiū tò-tńg lâi，tuā siaⁿ kui îng-kng tī Siōng-tè，phak tī Iâ-so͘ ê kha-ê，kā I seh-siā.Tsit lâng tsiū-sī Sat-má-lī-a ê lâng.Iâ-so͘ kóng，"Kiám m̄-sī tsa̍p lâng tit-tio̍h tshing-khì？Hí káu ê tī tah-lo̍h？Tsit ê guā kok lâng í-guā，lóng bô khuàⁿ-kìⁿ in tò-tńg lâi kui îng-kng tī Siōng-tè. "Tsiū tuì hit tsi̍t lâng kóng，"Khí-lâi，tsuè lí khì；lí ū sìn tsiah ū tit-tio̍h kiù. "

Lâng ū huān-tio̍h tsuē-kuà pí huān-tio̍h thái-ko ê tsìng，it-huat lī-hāi；í-king hō͘ Iâ-so͘ kiù thuat-lī，ing-kai tioh tsai I ê un-tsîng lâi kui îng-kng tī Siōng-tè.Tio̍h o̍h Tāi-pi̍t kóng，"Guá ê sim-sîn to̍k-to̍k sī o-ló Iâ-hô-hua，o-ló I ê sìng-miâ.Guá ê sim-sîn o-ló Iâ-hô-hua，siàu-liām I ê un-tián bô buē-kì-tit.I sià-bián guá ê tsē-kuà，i-hó guá ê phuà-piⁿ. "

思羅安台語點字網站