《耶穌言行錄》

| | | 轉寄

Tē-73-tsiuⁿ,Iâ-so͘ tsiok-hok suè-kiáⁿ

作者 Ko Kim-sing. 2009.08.30

（Má-thài 19：13-15； Má-khó 10：13-16；Lō͘-ka 18：15-17）

Ū tsi̍t ji̍t，lâng tshuā suè-kiáⁿ lâi tsiū-kūn Iâ-so͘，ài Iâ-so͘ huāⁿ-tshiú kā in tsiok hok-khì.Ha̍k-sing tsik-pī；Iâ-so͘ bô huaⁿ-hí kóng，"Iông-ún suè-kiáⁿ lâi guá tsia，m̄-thang kìm i，in-uī tī Siōng-tè kok—ê，tsiaⁿ-sī tshin-tshiūⁿ suè-kiáⁿ tsit hō ê lâng.Guá si̍t-si̍t kā lín kóng，huān-nā sîng-siū Siōng-tè ê kok bô tshin-tshiūⁿ suè-hàn gín-ná，buē-tit-thang ji̍p-khì. "Iâ-so͘ tsiū phō suè-kiáⁿ tsiok-hok i.

Lán sìn Tsú ê lâng tio̍h tsiong kiáⁿ-jî hiàn hō͘ Tsú，tio̍h thuè in kî-tó；suè-kiáⁿ tsiām-tsiān tuā，pē-bú tio̍h kà-sī hō͘ in tsai Iâ-so͘ sio̍k-tsuē ê tāi-tsì，ǹg-bāng in ia̍h uē tit-tio̍h Iâ-so͘ ê tsiok-hok.

思羅安台語點字網站