《耶穌言行錄》

| | | 轉寄

Tē-75-tsiuⁿ,Tshiàⁿ-kang ji̍p phû-tô-hn̂g

作者 Ko Kim-sing. 2009.09.13

（Má-thài 20：1-15）
Iâ-so͘ ū īng tsi̍t ê phì-jū kā ha̍k-sing kóng，"Thian-kok tshin-tshiūⁿ thâu-ke tsá-thâu tshut-khì tshiàⁿ-kang ji̍p phû-tô-hn̂g；kap tsuè kang ê iok tsi̍t ji̍t hō͘ i tsi̍t-tsîⁿ gûn，tsiū tshe in ji̍p hn̂g.Káu tiám ê sî，thâu-ke tshut-khì，khuàⁿ-kìⁿ ū îng-îng teh khiā tī kue-tshī-nih—ê，kā in kóng，"Lín ia̍h khì phû-tô hn̂g，só͘ ing-kai hō͘ lín，guá beh hō͘ lín；"hiah ê lâng tsiū khì.Tsa̍p-jī tiám kap saⁿ tiám ê sî koh tshut-khì，só͘ kiâⁿ ia̍h sī án-ni.Gō͘ tiám ê sî tshut-khì koh khuàⁿ-kìⁿ ū îng-îng teh khiā—ê，kā in kóng，"Lín siáⁿ-sū tsiâⁿ-ji̍t îng-îng khiā tsia？"Ìn kóng，"Bô lâng tshiàⁿ guán；"i tsiū kóng，"Lín ia̍h khì phû-tô-hn̂g，só͘ ing-kai hō͘ lín ê，lín thang tit-tio̍h. "

Kàu àm，hn̂g-tsú kā i ê kuán-siàu kóng，"Kiò tsuè kang—ê，hō͘ in kang-tsîⁿ；tuì lō͘-bé ji̍p hn̂g ê，tsiàu pâi kàu tāi-sing—ê. "Gō͘ tiám ê sî só͘ tshiàⁿ—ê kàu，ta̍k ê niá tsi̍t tsîⁿ gûn.Sing kàu ê phah-sǹg só͘ uē niá—ê tik-khak khah ke；nā-sī in ia̍h sī nái tsi̍t tsîⁿ gûn.Niá liáu，tsiū uàn-hūn thâu-ke kóng，"Guán tng-jua̍h tsiâⁿ-ji̍t tio̍h-buâ，lō͘-bé kàu—ê，tsí-ū puàⁿ-sî kú tsuè kang nā-tiāⁿ，tsiū hō͘ in kap guán pîⁿ mah？"Hn̂g-tsú kā hit ê lâng kóng，"Pîng-iú ah，guá bē bat bô kong-tō khuán-thāi lín；lín kiám m̄-sī kap guá iok tsi̍t tsîⁿ gûn mah？The̍h lín ê kang-tsîⁿ，tsuè lín khì；guá ài hō͘ lō͘-bé kàu—ê tshhin-tshiūⁿ hō͘ lín tsi̍t-puaⁿ-iūⁿ；tsiong guá ê mi̍h lâi tsuè guá só͘ ài，kiám uē m̄ ha̍p-gî？Guá tsuè hó，lín gîn guá sī tsáiⁿ-iūⁿ？""

Lán tha̍k tsit ê phì-jū，thang tsai hn̂g-tsú sī tsí Siōng-tè，phû-tô-hn̂g pí-phīng kàu-huē，tshiàⁿ-kang—ê sī kàu-huē-lāi ê tsìng-lâng.Lâng siū Siōng-tè ê tiàu，hit ê sî-hāu bô tiāⁿ-tio̍h，nā-sī pîⁿ-pîⁿ tit-tio̍h íng-uán-ua̍h，ia̍h lóng sī pe̍h-pe̍h ê un-tián.

思羅安台語點字網站