《耶穌言行錄》

| | | 轉寄

Tē-80-tsiuⁿ,Pháiⁿ ê tsoh-sit lâng

作者 Ko Kim-sing. 2009.10.18

（Má-thài 21：33-46； má-khó 12：1-12；Lō͘-ka 20：9-18）
hú-lâng tsai phû-tô-hn̂g，īng lí-pa i，tiong-ng ku̍t tsiú-khut tsō-thah，tso͘ hō͘ tsoh-sit lâng，tsiū khì pa̍t só͘-tsāi.Kàu ké-tsí si̍k ê sî，tshe i ê lô͘-po̍k phah tsi̍t-ê，hái-sí tsi̍t-ê，īng tsio̍h-thâu tìm tsi̍t-ê.Tsú-lâng koh tshe pa̍t ê lô͘-po̍k，pí tāi-sing khah tsuē，tsoh-sit lâng khuán-thāi in iû-guân tsiàu-kū.Tsú-lâng lō͘-bé tshe i ê liáⁿ，siūⁿ kóng，”In tik-khak uē kìng guá ê kiáⁿ. “Tsoh-sit lâng khuàⁿ-kìⁿ hit ê kiáⁿ，tsiū thau gī-lūn knog2，”Tse sī i tit ke-hé ê kiáⁿ；lán lâi hāi-sí，gia̍p tsiū thang tsiàm. “Suî-sî lia̍h i，kuáⁿ-tshut hn̂g-guā hāi-sí i.Hn̂g-tsú kàu。Beh tsáiⁿ-iūⁿ pān tsiah ê lâng？Kóng，”Tik-khak beh tsâu-bia̍t tsiah ê pháiⁿ-lâng，tsiong hn̂g lâi tso͘ pa̍t ê tsoh-sit lâng，thang tsiàu-sî ;a̍p kè-tsîⁿ.
“Iâ-so͘ kóng，”Sìng-tsheh kóng，Sai-hū-thâu só͘ m̄-ti̍h ê tsio̍h，tsiâⁿ-tsuè tshù-kak-thâu ê tsio̍h，tse sī Tsú só͘ tsiâⁿ--ê，lán khuàⁿ-kìⁿ kî-kuài i；lín kiám bē tha̍k mah？Guá kā lín kóng，Siōng-tè ê kok tik-khak tshiúⁿ lín，siúⁿ-sù pa̍t ê peh-sìⁿ，hō͘ i tshut ké-tsí. ""

Tsit ê phì-jū pún sī tsí Iû-thài lâng.Siōng-tè kíng in tsuè peh-sìⁿ，tsin hó khuán-thāi，tshe sian-ti lâng tsuē-tsuē kà-sī，koh īng Kū-uok ê Sìng-tseh siúⁿ-sù in，in bô tsīn-tiong，ko͘-hū Siōng-tè ê un-tián，sian-ti lâng tsuē-tsuē hō͘ in pháiⁿ khuán-thāi，Siōng-tè ê Kiáⁿ ia̍h hō͘ in hāi-sí，Siōng-tè tsiū kū-tsua̍t in，lâi kíng guā-pang lâng tsuè peh-sìⁿ.

Tsit ê phì-jū ia̍h uē tsí ta̍k tāi thiaⁿ to7li2 ê lâng.Siōng-tè hō͘ lán ki̍k hó ê ki-huē，lán nā bô sīng ki-huē lâi huán-hué，bô- thàn tō-lí lâi lī-ik lâng，bô kui îng-kng tī Siōng-tè，kiaⁿ-láiu Siōng-tè m̄-ti̍h lán.Tshin-tshiūⁿ Iâ-so͘ khó͘-khǹg Í-hut-só͘ kàu-huē ê uē，tsiū-sī kóng，"Lí tio̍h kì-tit tuì tah-lo̍h ū pua̍h-tó，tio̍h huán-hué tshin-tshiūⁿ khí-thâu；nā bô án-ni，guá uē kín-kín kàu，tshian-suá lí ê ting-hé. "

思羅安台語點字網站