《耶穌言行錄》

| | | 轉寄

Tē-81-tsiuⁿ,Hun-in ê iân-sia̍h Bô tshīng lé-ho̍k

作者 Ko Kim-sing. 2009.10.25

（Má-thài 22：1-14）
Iâ-so͘ koh siat phì-jū kā tsìng-lâng kóng，"Thian-kok tshin-tshiūⁿ jîn-kun thuè i ê kiáⁿ pān hun- in ê iân-toh；tshe lô͘-po̍k tiàu só͘ tshiáⁿ ê lâi hù iân-sia̍h，in m̄ kàu.Koh tshe lô͘-po̍k kóng，"Kā só͘ tshiáⁿ—ê kóng，Guá iân-toh í-king pān hó，gû kap puî ê tsing-siⁿ í-king thâi lah，pah-hāng mi̍h lóng piān lah，thang lâi hù iân-sia̍h. "In m̄ ua̍t-thâu khuàⁿ，tsuè in khì，tsi̍t ê khì tshân-nih，tsi̍t ê khì kue-tshī-nih.Iáu—ê lia̍h lô͘-po̍k lîng-jio̍k hāi-sí i.Jîn-kun thiaⁿ-kìⁿ，siū-khì tshe ping tsâu-bia̍t hia ê hiong-sin，sio-lio-khì i ê siâⁿ；kā lô͘-po̍k kóng："Hun-in ê toh í-king pān hó-ho，só͘ tshiáⁿ—ê buē kham-tit；lín thang khì tuā lue-lō͘，put-lūn só͘ tú-tio̍h，tshiáⁿ i lâi hù iân-sia̍h. "Lô͘-po̍k tshut-khì lō͘-nih，tsū-tsi̍p só͘ tú-tio̍h hó-lâng，pháiⁿ-lâng，hun-in ê iân-toh lâng-kheh tsē kàu muá-muá.Jîn-kun ji̍p-khì khuàⁿ lâng-kheh，khuàⁿ-kìⁿ tsi̍t lâng bô tshīng lé-ho̍k，tsiū kā i kóng，"Lâng-kheh lâi bô tshīng lé-ho̍k，siáⁿ-sū？"lâng-kheh tsīng-tsīng.Jîn-kun kā i ê lô͘-po̍k kóng，"Pa̍k i ê kha-tshiú，lia̍h i khì tī guā-bīn o͘-àm ê só͘-tsāi，tī hia ū huân-ló，thî-khàu，kā-gê tshiat-tshí—ê. ""

Tsit ê sī hō͘ lán tsai，lâng bô uá-khò Siōng-tè só͘ siat-lu̍p ê Kiáⁿ Iâ-so͘，tit-tio̍h I ê kong-lô jia-khàm lán ê tsuē，tsiū buē-tit-thang hióng-siū íng-uán ê hok-khì，tshin-tshiūⁿ hit ê lâng-kheh bô tshīng jîn-kun só͘ pī-pān ê lé-ho̍k，buē-tit-thang tâng tsē iân-toh tsi̍t-puaⁿ-iūⁿ.

思羅安台語點字網站