《耶穌言行錄》

| | | 轉寄

Tē-84-tsiuⁿ,Tsa̍p ê tsāi-sik-lú ê phì-jū

作者 Ko Kim-sing. 2009.11.15

（Má-thài 25：1-13）
"Thian-kok thang pí-phīng tsa̍p ê tsāi-sik-lú，mî-sî kia̍h ting tshut khì，beh ngiâ-tsih sin-kiaⁿ-sài.Gō͘ ê ū tì-sik，gō͘ ê sī gōng.Gōng—e5kiah8 ting bô pī-pān iû；tì-sik—ê kia̍h ting，khì-kū iû tshòng piān-piān.Sin-kiáⁿ-sài iân-tshiân，lóng-tsóng tuh-ka-tsē teh khùn.Puàⁿ-mî ū siaⁿ kiò kóng，"Sin-kiáⁿ-sài kàu lah，tio̍h tshut khì ngiâ-tsih i. "Tsìng tsāi-sik-lú suî-sî khí-lâi，koh tsíng in ê ting.Gōng—ê kā ū tì-sik—ê kóng，"Tsiong lín ê iû pun guán，guán ê ting beh hua. "Ū tì-sik—ê kóng，"Kiaⁿ-liáu lín guán lóng-tsóng bô kàu，khah hó lín khì tshī-nih lâi tah. "Khì tah ê sî sin-kiáⁿ-sài kàu，ū pī-pān iû ê kap i saⁿ-kap ji̍p，tsē iân-sia̍h，mn̂g tsiū kuaiⁿ.Āu-lâi hiah ê khì tah iû ê lâi，tsiū kóng，"Tsú ah，tsú ah，tshiáⁿ kā guán khui. "I kóng，"Guá si̍t-si̍t kā lín kóng，guá m̄-bat lín. "Só͘-í tio̍h kín-sīn，in-uī Jîn-tsú kàu，hit ê sî-ji̍t lín m̄-tsai. "

Kàu-huē lāi ū nn̄g hō ê lâng，tsi̍t hō sī tsin-si̍t ê sìn，sim-lāi ū Sìng Sîn ê un-tián，só͘-í Tsú nā kàu，piān-piān thang kap I ji̍p thian-tông，hióng-siū íng-uán ê hok-khì.Koh tsi̍t hō，ū miâ bô tsin-si̍t sìn ê lâng，sim-lāi bô Sìng Sîn ê un-tián，só͘-í Tsú kàu ê sî buē-tit-thang kap I ji̍p thian-tông hióng-siū hok-khì.Āu-lâi siat-sú pik-tshiat kiû Tsú khui mn̂g hō͘ in ji̍p，ia̍h bô tshái-kang，in-uī mn̂g í-king kuaiⁿ lah，só͘-í lâng tio̍h tshin-tshiūⁿ ū tì-sik—ê pī-pān sim，in-uī m̄-tsai Tsú tī-sî uē kàu.

思羅安台語點字網站