《耶穌言行錄》

| | | 轉寄

Tē-85-tsiuⁿ,Pun gûn hō͘ lô͘-po̍k ê phì-jū

作者 Ko Kim-sing. 2009.11.22

（Má-thài 25：14-30；Lō͘-ka 19：12-27）
Iâ-so͘ koh kóng，thian-kok sī"Tshin-tshiūⁿ tsi̍t lâng beh khì guā-kok，tiàu lô͘-po̍k，tsiong só͘ ū ê kau-tài in.Ū-ê tit-tioh gûn gō͘ tshing，ū-ê tit-tio̍h nn̄g tshing，ū-ê tsi̍t tshing，ta̍k lâng tsiàu i ê tsâi-tiāu；tsú-lâng tsiū khì tshut-guā.Niá gō͘ tshing—ê khì tsuè sing-li，koh thàn gō͘ tshing；niá nn̄g tshing—e，ia̍h thàn nn̄g tshing；nia tsi̍t tshing--e，khì ku̍t tuē siu-khǹg tsú-lâng ê gûn.Kú-kú tsú-lâng tsiū tò-lâi kap lô͘-po̍k sǹg-siàu.Niá gûn gō͘ tshing—ê kàu，iū-koh tuà gō͘ tshing kóng，"hú hō͘ guá gō͘ tshing，guá tit-tio̍h gō͘ tshing tîng-pē i. "hú-lâng kóng，"Hó lô͘-po̍k，tiong-hō͘ ah，lí tī tsió—ê í-king tsīn-tiong，guá bueh īng tsuē-tsuē ê thok-tiōng lí，thang ji̍p lí ê hú ê khuài-lo̍k. "Niá gûn nn̄g tshing—ê kàu kóng，"Tsú hō͘ guá nn̄g tshing，guá tit-tio̍h nn̄g tshing tîng-pē i. "Tsú-lâng kóng，"Hó͘ ah，lô͘-po̍k tiong-hó͘ ah，lí tī tsió—ê í-king tsīn-tiong，guá beh īng tsuē-tsuē—ê thok-tiōng lí，thang ji̍p lí ê Tsú ê khuài-lo̍k. "Niá gûn tsi̍t tshing—ê kàu，kóng，"Tsú ah，guá tsai lí sī giâm-hat ê lâng，bē iā tsíng ê só͘-tsāi tsiū beh siu-kuah，bē iā suàⁿ ê só͘-tsāi tsiū beh siu-ji̍p；só͘-í guá kiaⁿ，siu-khǹg lí ê gûn tī tuē-nih，taⁿ lí ê guân-mi̍h iuá tī-teh. "Tsú-lâng kóng，"Pháiⁿ koh pînⁿ-tuā ê lô͘-po̍k。lí tsai guá bē iā tsíng tsiū beh siu-kuah，bē iā suáⁿ tsiū beh siu-ji̍p；tsiū ing-kai tsiong guá ê gûn lok tsîⁿ-tiàm。guá kàu ê sî tsiū tit-tio̍h pún-tsîⁿ lī-sik. "Tsiū huan-hù sin-piⁿ teh khiā ê lâng kóng，"Tio̍h tshiúⁿ the̍h i ê tsi̍t tshing gûn，hō͘ hit ê ū tsa̍p tshing—ê；un-uī ê beh hō͘ i，hō͘ i ū tshun，bô ê liân i só͘ ū ê ia̍h beh tua̍t i. "Bô lī-ik ê lô͘-po̍k tio̍h kuáⁿ-tio̍k tī guā-bīn o͘-àm ê só͘-tsāi，tī-hia ū ai-tshám，thî-khàu kā-gê tshiat-tshí. "

Kàu-huē lāi ê lâng ta̍k-lâng ū kuan-hē，put-kò ū tsing-tsha tsuē-tsió nā-tiāⁿ.Ta̍k lâng tio̍h tsiàu i só͘ tit-tio̍h ê lai kui îng-kng tī Siōng-tè，tsiū thang hióng-siū Tsú íng-uán ê hok-khì.M̄-thang tshin-tshiūⁿ hit ê pháiⁿ pîn-tuāⁿ ê lô͘-po̍k，tī kàu siū kuáⁿ tī íng-uán kan-khó͘ ê só͘-tsāi.

思羅安台語點字網站