《耶穌言行錄》

| | | 轉寄

Tē-87-tsiuⁿ,Iâ-so͘ siat-li̍p Buán-tshan

作者 Ko Kim-sing. 2009.12.06

（Má-thài 26：17-30；Má-khó 14：10-26； Lō͘-ka 22：3-20；Iok-hān 13：1-30）
Iâ-so͘ tìng si̍p-jī-kè ê ji̍t í-king kūn lah.I ū tsi̍t ê ha̍k-sing miâ kiò Iû-tāi，àm-tsīⁿ khì mn̄g tsè-si-tiúⁿ kóng，"Lín beh hō͘ guá luā tsuē gûn，guá tsiū tsiong I buē hō͘ lín. "Suî-sî iok gûn saⁿ-tsa̍p，tuì hit-tia̍p Iû-tāi tshē ki-huē thang buē Iâ-so͘.

Hit sî tú-á sī Jû-ua̍t-tsueh，ha̍k-sing tsiū-kūn Iâ-so͘ kóng，"Lí ài guán tī sím-mi̍h só͘-tsāi thuè lí pī-pān toh？"Iâ-so͘ tshe Pí-tik，Iok-hān kóng，"Lín tio̍h ji̍p siâⁿ，uē tú-tio̍h tsi̍t lâng kuāⁿ tsuí-pân，tio̍h tè i，khì kàu ji̍p tshù，kā hit ê tsú-lâng kóng，"Sian-siⁿ kóng，Guá ê sî kūn lah，guá beh kap ha̍k-sing tī lín tau siú Jû-ua̍t-tsueh. ""Ha̍k-sing tsiàu Tsú-ê uē，Iâ-so͘ só͘ kóng kó-jiân lóng ìng-giām.Hit ê-hng Iâ-so͘ kap tsa̍p-jī ha̍k-sing lóng-tsóng kàu hia siú tsueh-kî.

Teh tsia̍h Jû-ua̍t-tsueh ê sî，Iâ-suo khí-lâi thǹg saⁿ，īng kun hâ io，tò tsuí tī phûn-nuh，kā ha̍k-sing sué kha；īng só͘ hâ ê kun kā in tshit.Iâ-so͘ beh kā Pí-tik sué，Pí-tik tsiū kóng，"Tsú ah，guá tik-khak m̄-káⁿ hō͘ lí kā guá sué kha. "Iâ-so͘ kóng，" Guá nā bô kā lí sué，lí tsiū kap guá bô hūn. "Pí-tik kóng，" Tsú ah，m̄-nā guá ê kha，tshiú kap thâu-khak ia̍h tio̍h. "Iâ-so͘ kóng，"Lâng sué sing-khu í-āu nā-sái sué kha，tsiū lóng tshing-khì.Lín sī tshing-khì，nā-sī iáu-kú ū lâng bē tshing-khì. "Iâ-so͘ tsai sím-mi̍h lâng beh buē I，só͘-í kóng án-ni.

Ha̍k-sing bat saⁿ-tsiⁿ tsuè tuā，só͘-í Ia5s-o͘ tiâu-tî án-ni kiâⁿ，hō͘ in tsai nā beh tsuè tuā tio̍h tshin-tshiūⁿ suè，tsuè thâu ê tio̍h tshin-tshiūⁿ tshe-īng.

Koh-tsài tsē toh，Iâ-so͘ sim iu-bun tsiū kóng，"Lín tiong-kan tsi̍t lâng beh buē guá. "Ha̍k-sing saⁿ-siòng m̄-tsai si kóng tsī-tsuī.Ū Iâ-so͘ só͘ thiàⁿ ê ha̍k-sing tsē uá I ê hing-tsîng，mn̄g I kóng，"Tsú sī kóng tsī-tsuī？"Iâ-so͘ kóng，"Guá ùn mi̍h hō͘ i tsia̍h tsiū-sī；"liâm-piⁿ ùn mi̍h hō͘ Iû-tāi.

Teh tsia̍h ê sî Iâ-so͘ the̍h piáⁿ tsiok-siā，tsiū peh-phuà hō͘ ha̍k-sing kóng，"The̍h khì tsia̍h，tsit ê sī guá ê sing-khu，thuè lín pàng-sak，lín tio̍h kiâⁿ án-ni lâi kì-liām guá. "Vhiah8 liáu-āu，the̍h pue ia̍h sī tshin-tshiūⁿ án-ni kóng，"Tsit ê sī sin-iok ê pue，in-uī guá ê huih thuè lín lâu，tsia̍h siat-li̍p. "

Taⁿ lán tsuè Iâ-so͘ ha̍k-sing teh siú buán-tshan ê sî，īng-kai tio̍h kám-un ê sin lâi kì-liām I，thang kian-kò͘ ǹg-bāng I tik-khak siúⁿ-sù Sìng Sîn，īng phah-phuà ê sing-khu kap só͘ lâu ê huih，iúⁿ-tshī lán sim-sîn，hō͘ lán khah huaⁿ-hí kiâⁿ thiⁿ ê lō͘.

思羅安台語點字網站