《耶穌言行錄》

| | | 轉寄

Tē-88-tsiuⁿ,Iâ-so͘ hō͘ lâng lia̍h，thua kàu Tsè-si-thâu ê só͘-tsāi

作者 Ko Kim-sing. 2009.12.13

（Má-thài 26：36-68；Má-khó 14：31-65； Lō͘-ka 22：39-54；Iok-hān 13：31-18：13）
Iâ-so͘ kap ha̍k-sing tsia̍h buán-vhhan liáu-āu，īng tsuē-tsuē hāng ê tō-lí kà-sī in；saⁿ-kap gîm-si，tsiah khì Kaⁿ-ná suaⁿ.Hit-tia̍p Tsú tshiat-ì khǹg ha̍k-sing tio̍h kiat-liân tī I，koh thuè in kî-tó，tsiong sìn I ê lâng kau-tāi Siōng-tè（Iok-hān 15：17）.Tī lō͘-nih kā ha̍k-sing kóng，"Kin-mî lín tsìng-lâng beh pàng-sak guá，Sìng-tsheh ū kì-tsài，"Guá phah kò͘-iûⁿ ê，iûⁿ-kûn tsiū sì-suàⁿ. "Guá koh-ua̍h liáu-āu，teh-beh tāi-sing lín khì Ka-lī-lī. "Pí-tik kóng，"Sui-jiân tsìng-lâng pàng-sak lí，guá kàu bé pàng-sak lí. "Iâ-so͘ kóng，"Guá si̍t-tsāi kā lí kóng，Kim-mî kue iáu-bē thî，lí beh saⁿ-pái kóng m̄-bat guá. "Pí-tik kóng，"Guá tsiū nā tio̍h kap lí saⁿ-kap sí，tik-khik bô knog2 m̄-bat lí. "Tsìng ha̍k-sing ia̍h sī án-ni kóng.Iâ-so͘ kap ha̍k-sing kàu tsi̍t só͘-tsāi，miâ kiò Khik-se-ma-nî，kā in kóng，"Lín tsē tsia，guá beh tsìn-tsîng kî-tó. "Suî-sî tshuā Pí-tik，Iok-hān，Ngá-kok kap I khì.Iâ-so͘ iu-būn tsiū kā in kóng，"Guá ê sim ki̍k iu-būn kàu beh sí，lín tiàm tsia kap guá kíng-síng. "Iâ-so͘ sio-khuá tsín-tsîng，phak teh kî-tó kóng，"Guá ê Pē，nā uē-tit-thang bian tsit ê pue，tsiū hō͘ guá m̄-sái lim；nā-sī m̄-sī thàn guá só͘ ài，sī thàn lí só͘ ài. "Iâ-so͘ tsiū kūn-uá ha̍k-sing，khuàⁿ-kìⁿ in teh khùn，tsiū kā pí-tik kóng，"Lín kiám buē uē kap guá kíng-síng？Tio̍h kî-tó，bián-tit siū bê-hi̍k，sim-sîn ì-ài，sing-khu luán-jio̍k. "Koh nn̄g pái tsin-tsîng kàu iok-liōng hiat tsio̍h-thâu ê hn̄g，kî-tó kóng，"Guá ê Pē ah，tsit ê pue nā buē-tit-thang bián-tit guá lim，tsiâⁿ lí ê tsí-ì tsiū hó. "Thiⁿ-sài tuì thiⁿ-nih tshut-hiān lâi tsān I ê khuì-la̍t.Iâ-so͘ tshám-tshueh kî-tó it-huat khún-tshiat，lâu-kuāⁿ tshin-tshiūⁿ huih tih lo̍h tuē.Kî-tó suah，khì-lâi kàu ha̍k-sing ê só͘-tsāi，khuàⁿ in iu-būn kàu khùn—khì，kā in kóng，"Siáⁿ-sū khùn？Tio̍h khì-lâi kî-tó，bián-tit-tio̍h bê-hi̍k，buē guá ê lâng kūn lah. "Teh kóng ê sî，Iû-tāi tshuā ping-ting，īng hé-pé，īng ting kap kia̍h khì-hâi lâi.Iû-tāi tsiū-kūn Iâ-so͘，kā I tsim tshuì，tsìng-lâng tsiū tsai tio̍h lia̍h tah-lo̍h tsi̍t-ê，in-uī Iû-tāi ū tshut àm-hō kóng，"Guá kap i tsim-tshuì hit ê tsiū-sī. "Iâ-so͘ kóng，Iû-tāi ah，lí īng tsim-tshuì buē Jîn-tsú mah？"Tsiah mn̄g hiah ê lâng kóng，"Lín beh lia̍h tsī-tsuī？"Ìn- kóng，"Ná-sat-lik ê Iâ-so͘. "Iâ-so͘ kóng，"Guá tsiū-sī. "Iâ-suo tsi̍t-ē kóng" Guá tsiū-sī"，tsìng-lâng tò-thè pua̍h-tó tī thô͘-kha.Iâ-so͘ koh mn̄g，"Lín beh lia̍h tsī-tsuī？"In koh kóng，"Ná-sat-li̍k ê Iâ-so͘. "Iâ-so͘ kóng，"Guá í-king kā lín kóng，Guá tsiū-sī；nā-sī beh lia̍h guá，kî-û ê lâng thang hō͘ i khì. "

Tsìng-lâng tsìn-tsîng lia̍h Iâ-so͘.Pí-tik tsiū pui̍h to kuah tsè-si-thâu ê lô͘-po̍k ê hī-á.Iâ-so͘ kā Pí-tik kóng，"Tio̍h siu lí ê to ji̍p siù；"Tsiah khì bong lô͘-po̍k ê hī-á，i-hó i.

Iâ-so͘ tuì lâi lia̍h I ê tsè-si，tiúⁿ-ló kóng，"Lín lâi kia̍h to kap thuî-á tshin-tshiūⁿ beh lia̍h tsha̍t mah？Guá ji̍t-ji̍t kap lín tī tiān-nih，lín bô lia̍h guá，nā-sī tsit-tia̍p sī lín ê sî-tsūn，o͘-àm ê kuân-sè. "

Ping-ting，Iû-thài ê gê-ia̍h，lia̍h Iâ-so͘ khì pa̍k，tāi-sing thua kàu A-ná，tsiū-sī hit nî tsè-si thâu-lâng Kai-a-huat ê tiūⁿ-lâng.

A-ná ah-sàng kàu Kai-a-huat，tī hia tha̍k-tsheh-lâng，tiúⁿ-lo í-king tsū-tsi̍p.Kong-huē tshē lām-sám kan-tsìng kong-kik Iâ-so͘，ài hō͘ I sí；tshē bô.Āu-lâi tsè-si-thau khì-lâi，mn̄g Iâ-so͘ kóng，"Lí kó-jiân sī Siōng-tè ê Kiáⁿ Ki-tok，á m̄-sī？"Iâ-so͘ kóng，"Lí kóng tsiū-sī；guá kā lí kóng，tsit-tia̍p liáu-āu lín uē khuàⁿ-kìⁿ Jin-tsú tsē tī tuā kuân-lîng—ê ê tuā-pîng kà thīⁿ-hûn kàng-lîm. "Tsè-si-thâu ka-kī thiah-li̍h i ê saⁿ kóng. "Tsi̍t ê lâng tshiàm-kuân lām-sám，mi̍h-sái pa̍t-mi̍h ê kan-tsìng？Lín phah-sǹg tsáiⁿ-iūⁿ？"Tsìng-lâng kóng，"Tio̍h hō͘ I sí. "Ài hō͘ I sí，iáu-kú hit sî buē tiāⁿ-tio̍h，tio̍h thing-hāu thiⁿ-kng kong-huē lóng tsū-tsi̍p tsiah uē.Teh thìng-hāu ê sî，lâng phuì-nuā tī Iâ-so͘ ê bīn，kûn-thâu-bú phah I，ū lâng īng tshiú sián I ê tshuì-phué kóng，"Ki-tok ah，nā tsuè sian-ti tio̍h kóng，phah lí ê sī tsī-tsuī？"

思羅安台語點字網站