《耶穌言行錄》

| | | 轉寄

Tē-91-tsiuⁿ,Iâ-so͘ hō͘ Tsóng-tok sím-mn̂g

作者 Ko Kim-sing. 2010.01.03

（Má-thài 27：1，2，11-31；Má-khó 15：1-20； Lō͘-ka 23：1-25；Iok-hān 18：28-40，19：1-18）
Thiⁿ-kng，lâng thua Iâ-so͘ kè-sàng hō͘ Tsóng-tok Pí-lia̍p-to，bû-luā lò͘-ì kóng，"Guán khuàⁿ tsit ê lâng sī bê-hi̍k guán ê peh-sìⁿ，ka-kī tshing-ho͘ tsuè ông，kìm lâng la̍p suè hō͘ Kai-sat.

"Pí-lia̍p-to mn̄g Iâ-so͘ kóng，"Lí sī Iû-thài lâng ê ông mah？"Iâ-so͘ kóng，"Sī；nā-sī Guá ê kok bô sio̍k tī sè-kan. "Pí-;ia̍p-to tsiū kā tsè-si-tiúⁿ kap tsìng-lâng kóng，"Guá khuàⁿ tsit ê lâng bô sím-mi̍h tsuē. "Tāi-ke it-huat tshut-la̍t kiò kóng，"I sī iâu-tōng peh-sìⁿ，Iû-thài tuē piàn-piàn khì thuân-kàu，tuì Ka-lī-lī kàu tsit uī. "Pí-lia̍p-to thiaⁿ-kìⁿ Ka-lī-lī hit kù，tsiū tsai sī sio̍k tī Hi-lu̍t só͘ kuán-hat，tsiū sàng khì kau Hi-lu̍t.

Hit-sî Hi-lu̍t tī Iâ-lō͘-sat-líng.Hi-lu̍t khuàⁿ-kìⁿ Iâ-so͘ tsiū tuā huaⁿ-hí，in-uī bat thiaⁿ-kìⁿ Iâ-so͘ tsuē-tsuē hāng ê tāi-tsì，só͘-í kú-kú ài kìⁿ I；ia̍h ǹg-bāng uē khuàⁿ-kìⁿ I kiâⁿ sîn-jiah.Hi-lu̍t mn̄g tsuē-tsuē hāng，nā-sī Iâ-so͘ bô ìn tsi̍t kù.

Tsè-si hiah ê lâng khiā teh kò I put-tsí pik- tshiat.Hi-lu̍t sui-jiân sī tuā-kuaⁿ ia̍h tuā huān-huat，tsiū kap i ê ping hì-lāng Iâ-so͘，tsiong tshái-sik ê saⁿ kā I tshing；tsiah koh sàng tò-tńg khì kau Pí-lia̍p-to.

Pí-lia̍p-to tiàu tsè-si tsiah ê thâu-lâng kap peh-sìⁿ，kā in kóng，"Lín tsiong tsit ê lâng kè-sàng hō͘ guá，kóng I sī jiáu-luan7peh-sìⁿ；guá tsiū tsiong lín só͘ kò ê tāi-tsì tng-bīn lâi sím-mn̄g，khuàⁿ lóng bô sím-mi̍h tsuē.Hi-lu̍t ia̍h sī án-ni；i khuàⁿ Iâ-so͘ ê só͘ kiâⁿ，bô tsi̍t hāng uē pān-tit sí-tsuē. "

Hit ê tsueh-kî ū lē tio̍h pàng tsi̍t ê huān-lâng，tshut-tsāi tsìng-lâng só͘ ài.Hit-sî ū tsi̍t ê tshut-miâ ê huān-lâng miâ kiò Pa-lia̍p-pa.Pí-lia̍p-to mn̄g tsìng-lâng kóng，"Ài guá pàng Pa-lia̍p-pa，á-sī tio̍h pàng Iâ-so͘ kiò tsuè Ki-tok？"Lâng tshut-siaⁿ kóng，"Tio̍h tû-khì tsit ê lâng，kā guán pàng Pa-lia̍p-pa. "Pí-lia̍p-to ài pàng Iâ-so͘，tsiū koh-tsài khǹg tsìng-lâng，nā-sī in kiò kóng，"Tìng tī si̍p-jī-kè，tìng tī si̍p-jī-kè. "Pí-lia̍p-to kàu tē-saⁿ pài koh kā in kóng，"I ū kiâⁿ sím-mi̍h pháiⁿ，bô khuàⁿ-kìⁿ I ū kiâⁿ sím-mi̍h pháiⁿ，bô khuàⁿ-kìⁿ I ū sím-mi̍h sí-tsuē. "Tsìng-lâng tsia̍p-tsia̍p kóng，"Tio̍h tìng tī si̍p-jī-kè. "

Pí-lia̍p-to ê hu-jîn tshe lâng kā i kóng，"Lí lóng m̄-thang pān hit ê gī ê lâng，guá kin-á ji̍t bîn-bāng ê sî in-uī I ū tú-tio̍h tsuē-tsuē kan-khó͘. "

Pí-lia̍p-to tī lâng ê bīn-tsîng phâng tsuí lâi sué-tshiú kóng，"Lâu tsit ê gī lâng ê huih m̄-sī guá ê tsuē，lín tio̍h tng—khì. "peh-sìⁿ lóng-tsóng ìn kóng，"I ê huih kui tī guán kap guán ê kiáⁿ-sun. "Hit-tia̍p tsiū pàng Pa-lia̍p-pa，tsiong Iâ-so͘ lâi phah.

Ping-ting pīⁿ tshì-á tsuè bián-liû tì I ê thâu-khak，tsiong tsí-sik ê phàu hō͘ I tshīng，kia̍h lô͘-uí lok tī I tsiàⁿ-tshiú，kuī tī I ê bīn-tsîng，hì-lāng I kóng，"Guān Iû-thài ông pîng-an，"tsiū kā I phuì-nuā，tsiong hit ki lô͘-uí lâi sut I ê thâu-khak.Pí-lia̍p-to tshuā Iâ-so͘ tshut，kā lâng kóng，"Tio̍h khuàⁿ tsit ê lâng，"ǹg-bāng lâng uē kam-guān pàng，nā-sī it-huat kóng，"Tio̍h tìng tī si̍p-jī-kè. "Pí-lia̍p-to kóng，"Lín ka-kī tshuā khì tìng I，guá khuàⁿ tsit ê lâng bô tsuē-kuà. "Iû-thài lâng ìn kóng. "Tsiàu guán ê lu̍t-lē I tio̍h sí，in-uī I ka-kī kóng sī Siōng-tè ê Kiáⁿ，"Pí-lia̍p-to thiàⁿ-kìⁿ tsit kù it-huat kiaⁿ；ji̍p-khì mn̄g Iâ-so͘ kóng，"Lí tuì tah-lo̍h lâi？"Iâ-so͘ lóng m̄ ìn.Pí-lia̍p-to kóng，"Lí m̄ ìn guá？Kiam2m7-tsai guá ū kuân uē tìng lí，ia̍h ū kuân uē pàng lí mah？"Iâ-so͘ kóng，"Nā m̄-sī tuì tíng-bīn siúⁿ-sù，lí lóng bô kuân thang pan7gua2. "Pí-lia̍p-to tsiah ào beh pàng I；Iû-thài lâng tuā-siaⁿ kio3kong2，"Lâng nā kóng ka-kī sī ông，sī huán-puān Kai-sat. "Pí-lia̍p-to tsiū tshuā Iâ-so͘ tshut-khì，kā Iû-thài lâng kóng，"Khuàⁿ lín ê ông. "Tsìng-lâng tuā-siaⁿ kio kóng，"Tû-khì，tû-khì，tìng I si̍p-jī-kè，Kai-sat í-guā guán bô ông. "Pí-liap-to tsiū tsiong Iâ-so͘ kau hō͘ tsìng-lâng tìng I si̍p-jī-kè.

思羅安台語點字網站