《押韻啟應詩篇》

 | | | 轉寄

台語押韻啟應詩篇 9

作者 Tīⁿ Jî-gio̍k 2006.02.26

9　Tāi-pi̍t ê si, kau hō͘ Ga̍k-kuaⁿ, tiāu, īng Bō͘-la̍h-piān.

1a　Guá beh tsuân-sim kám-siā Iâ-hô-hua;
　　我　要　全　心　感　謝　耶　和　華；
1b　　　Guá beh pò-iông Lí it-tshè kî-biāu ê só͘-tsuè bô suah.
　　　　我 要 報 揚Ｌｉ２　一 切 奇 妙 的 所 做 無 息。

2a　Guá beh tī Lí huaⁿ-hí khuài-lo̍k lâi tshut-siaⁿ,
　　我 要 在Ｌｉ２　歡 喜 快 樂 來 出 聲，
2b　　　Tsì-kuân--ê ah , guá beh o -ló Lí ê miâ.
　　　　至 高 者 啊， 我 要 讚 美Ｌｉ２　的 名。

3a　Guá ê tuì-ti̍k ua̍t-tńg-sin thè--khì ê sî ,
　　我 的 對 敵 轉 返 身 退 去 的 時，
3b　　　Tsiū tī Lí ê bīn-tsîng pua̍h-tó bia̍t-bô--khì.
　　　　就 在Ｌｉ２　的 面 前 跌 倒 滅 無 去。

4a　Lí í -king thuè guá sin-uan,
　　Ｌｉ２已 經 替 我 伸 冤，
4b　　　Thuè guá piān-bîng uân-tsuân.
　　　　替 我 辨 明 完 全。

4c　Lí tsē tī pó-tsō,
　　Ｌｉ２坐 在 寶 座，
4d　　　Tsiàu kong-gī sím-phuàⁿ bô-tshò.
　　　　照 公 義 審 判 無 錯。

5a　Lí ū tsik-pī lia̍t-pang,
　　Ｌｉ２　有 責 備 列 邦，
5b　　　Lí ū bia̍t-bô pháiⁿ-lâng,
　　　　Ｌｉ２　有 滅 無 歹 人，
　　　　Lí ū tshat-bia̍t in ê miâ kàu bān-tang.
　　　　Ｌｉ２有 擦 滅 伊 的 名 到 萬 冬。

6a　Tuì-ti̍k kàu kiat-kio̍k, siū hong-huè kàu íng-nî ;
　　對 敵 到 結 局， 受 荒 廢 到 永 年；
6b　　　Lí huí-huāi in ê siâⁿ-tshī, liân in ê kì-liām ia̍h bô--khì.
　　　　Ｌｉ２毀 壞 伊 的 城 市， 連 伊 的紀 念 亦 無 去。

7a　To̍k-to̍k Iâ-hô-hua tsē-uī kàu íng-uán;
　　獨 獨 耶 和 華 坐 位 到 永 遠；
7b　　　I í- king uī sím-phuàⁿ, an-tì I ê pó-tsō teh tsiáng-kuân.
　　　　祂已 經 為 審 判， 安 置 祂的 寶 座 在 掌 權。

8a　I beh tsiàu kong-gī sím-phuàⁿ sè-kài kàu thiⁿ-piⁿ.
　　祂要 照 公 義 審 判 世 界 到 天 邊。
8b　　　Tsiàu tsìng-ti̍t phuàⁿ-tuàn tsìng peh-sìⁿ.
　　　　照 正 直 判 斷 眾 百 姓。

9a　Iâ-hô-hua koh beh tsuè siū ap-pik ê lâng ê kuân-tâi ,
　　耶 和 華 又 要 做 受 壓 迫 的 人 的 高 台，
9b　　　Tī huān-lān ê sî ê kuân-tâi .
　　　　在 犯 難 的 時 的 高 台。

10a　Bat Lí ê miâ ê lâng beh uá-khò Lí bô làng-phāng,
　　識Ｌｉ２　的 名 的 人 要 倚 靠Ｌｉ２　無 閬 縫，
10b　　　In-uī , Iâ-hô-hua, Lí bē bat khì-sak tshē Lí ê lâng.
　　　　因 為，耶 和 華，Ｌｉ２　未 曾 棄 捨 找 Ｌｉ２　 的 人。

11a　Tio̍h o-ló Iâ-hô-hua khiā-khí tī Sik-an ,
　　著 讚美 耶 和 華 居 起 在 錫 安，
11b　　　Tsiong I só͘ kiâⁿ--ê pò-iông tī tsìng peh-sìⁿ ê tiong-kan.
　　　　將 祂 所 行 的 報 揚 在 眾 百 姓 的 中 間。

12a　In-uī hit -ê tsa-pān bīng-àn--ê kì-tit in ;
　　因 為 彼 個 查 辦 命 案 的 記 得 伊；
12b　　　Bô buē kì- tit khùn-khó͘ lâng ê ai -kiû guân-in .
　　　　無 未 記 得 困 苦 人 的 哀 求 原 因。

13a　Kiû Lí lîn-bín guá, Iâ-hô-hua ah !
　　求Ｌｉ２　憐 憫 我， 耶 和 華 啊！
13b　　　Lí sī tuì sí-mn̂g kiù guá khí--lâi--ê lah !
　　　　Ｌｉ２　是 對 死 門 救 我 起 來 的 啦！

13c　Tio̍h kàm-tshat hiah-ê uàn-hūn guá ê lâng,
　　著 鑑 察 那 些 怨 恨 我 的 人，
13d　　　Só͘ hō͘ guá tú-tio̍h ê khó͘-lān tsi̍t-hāng tsi̍t-hāng.
　　　　所 使 我 遇 到 的 苦 難 一 項 一 項。

14a　Thang hō͘ guá kóng-khí Lí it-tshè ê hó miâ-siaⁿ;
　　通 使 我 講 起Ｌｉ２　一 切 的 好 名 聲；
14b　　　Guá beh tī Sik-an siâⁿ-mn̂g ê tuā-tiâⁿ,
　　　　我 要 在 錫 安 城 門 的大 庭，
　　　　uī -tio̍h Lí ê kiù-un lâi huaⁿ-hí tshut-siaⁿ.
　　　　為 著Ｌｉ２　的 救 恩 來 歡 喜 出 聲。

15a　Lia̍t-pang hām-lo̍h tī in só͘ khui ê hām-khiⁿ;
　　列 邦 陷 落 在 伊 所 開 的 陷 坑；
15b　　　In ê kha tîⁿ tī in àm-tsīⁿ siat ê lô-bāng--ni̍h.
　　　　伊 的 腳 纏 在 伊 暗 靜 設 的 羅 網 裡。

16a　Iâ-hô-hua hián-bîng ka-kī ê sî ,
　　耶 和 華 顯 明 自 己 的 時，
　　I í -king tsuè sím-phuàⁿ, kiâⁿ kong-gī ;
　　祂已 經 作 審 判， 行 公 義；
16b　　　Pháiⁿ lâng hō͘ ka-kī ê tshiú só͘ tsuè--ê , tîⁿ--tio̍h thuat buē lī .
　　　　歹 人 使 自 己 的 手 所 做 的,纏 著 脫 未 離。

17a　Pháiⁿ-lâng beh kui tī im-hú tshim-khiⁿ,
　　歹 人 要 歸 在 陰 府 深 坑，
17b　　　Buē kì -tit Siōng-tè ê lia̍t-pang ia̍h beh án-ni .
　　　　未 記 得 上 帝 的 列 邦 亦 要 按 呢。

18a　In -uī sòng-hiong-lâng
　　因 為 貧 窮 人
　　tik-khak bô íng-uán hō͘ Siōng-tè buē -kì--tit--khì.
　　的 確 無 永 遠 使 上 帝 不 記 得 去。
18b　　　Khùn-khó͘ ê lâng ê ǹg-bāng, tik-khak buē íng-uán bô--khì.
　　　　困 苦 的 人 的 盼 望， 的 確 未 永 遠 無 去。

19a　Iâ-hô-hua ah , kiû Lí peh--khí--lâi,
　　耶 和 華 啊，求Ｌｉ２　爬 起 來，
　　m̄-thang iông-ún lâng tsū-ko khí--lâi ;
　　不 通 容 允 人 自 高 起 來；
19b　　　Guān lia̍t-pang tī Lí ê bīn-tsîng siū sím-phuàⁿ khut-kē--lâi .
　　　　願 列 邦 在Ｌｉ２　的 面 前 受 審 判 屈 低 來。

20a　Iâ-hô-hua ah, kiû Lí hō͘ in kiaⁿ-hiâⁿ;
　　耶 和 華 啊，求Ｌｉ２　使 伊 驚 惶；
20b　　　Guān lia̍t-pang tsai ka-kī put-kò sī lâng nā-tiāⁿ.
　　　　願 列 邦 知 自 己 不 過 是 人 若 定。