《押韻啟應詩篇》

台語押韻啟應詩篇 97

作者 Tīnn Jî-gio̍k

97

1a　Iâ-hô-hua tsùe ông; tūe tio̍h khùai-lo̍k;
　　耶 和 華 做 王； 地 著 快 樂；

1b　　　Tsìng hái-sū tio̍h huann-hí hōo I tsiok-hok.
　　　　眾 海 嶼 著 歡 喜 受 祂 祝 福。

2a　Ba̍t-hûn kap oo-àm tī sì -ûi ûi I ,
　　密 雲 與 黑 暗 在 四 圍 圍 祂，

2b　　　Gī -lí kap kong-pîng sī I pó-tsō ê tūe -ki .
　　　　義 理 與 公 平 是 祂 寶 座 的 地 基。

3a　Hé kiânn tī I ê bīn-tsîng,
　　火 行 在 祂 的 面 前，

3b　　　Sio I sì-ûi ê tùi-ti̍k bia̍t-tsíng.
　　　　燒 祂 四圍 的 對 敵 滅 種。

4a　I ê sih-nà tsiò-kng sè-kài;
　　祂的 閃 電 照 光 世 界；

4b　　　Tūe khùann-kìnn, tsiū tín-tāng lâi ai .
　　　　地 看 見， 就 振 動 來 哀。

5a　Tī Iâ-hô-hua ê bīn-tsîng, tsiū-sī tsûan-tūe ê Tsú ê bīn-tsîng,
　　在 耶 和 華 的 面 前 ， 就 是 全 地 的 主 的 面 前，

5b　　　Tsiah-ê suann siau-iûnn tshin-tshiūnn la̍h bô hîng.
　　　　諸 些 山 消 溶 親 像 臘 無 形。

6a　Tsiah-ê thinn hián-bîng I ê gī ,
　　諸 些 天 顯 明 祂 的 義，

6b　　　Lia̍t-pang khùann-kìnn I ê îng-kng bû-jī .
　　　　列 邦 看 見 祂 的 榮 光 無 二。

7a　Hūan-nā ho̍k-sāi tiau-khik ê ngóo-siōng--ê ,
　　凡 若 服 侍 雕 刻 的 偶 像 的，

7b　　　Īng hu-ké ê sîn tsū-khua--ê ,
　　　　用 虛 假 的 神 自 誇 的，

7c　Lóng tio̍h siū kiàn-siàu tò-thè,
　　攏 著 受 見 誚 倒 退，

7d　　　Lín tsiah-ê sîn-bîng ah , lóng tio̍h kìng-pài Tsú íng-sè .
　　　　恁 諸 些 神 明 啊，攏 著 敬 拜 主 永 世。

8a　Iâ-hô-hua ah, in -ūi Lí ê phùann-tùan kong-gī ,
　　耶 和 華 啊，因 為 你 的 判 斷 公 義，

8b　　　Sik-an thiann-kìnn tsiū huann-hí ,
　　　　錫 安 聽 見 就 歡 喜，
　　　　Iû-tāi ê siânn ia̍h lóng khùai-lo̍k bô pí .
　　　　猶 大 的 城 亦 攏 快 樂 無 比。

9a　In-ūi Iâ-hô-hua Lí sī tsì-kûan pûann-kè tsûan-tūe;
　　因為 耶 和 華 你 是 至 高 pûann 過 全 地；

9b　　　Lí sī tsì-tsun, pûann-kè tsìng sîn-bîng bô-hān pūe.
　　　　你 是 至 尊， pûann 過 眾 神 明 無 限 倍。

10a　Thiànn Iâ-hô-hua ê jîn-sū,
　　　愛 耶 和 華 的 人 士，

10b　　　Lín lóng tio̍h ùan-hūn pháinn-sū .
　　　　　恁 攏 著 怨 恨 歹 事。

10c　I pó-hōo I sìng ê peh-sìnn ê sìnn-miā kiânn tsín-kiù,
　　　祂 保 護 祂 聖 的 百 姓 的 性 命 行 拯 救，

10d　　　I tsín-kiù in thuat-lī pháinn-lâng ê tshiú.
　　　　　祂 拯 救 伊 脫 離 歹 人 的 手 。

11a　Kng-bîng sī ūi-tio̍h gī-lâng lâi pī-pān,
　　　光 明 是 為 著 義 人 來 備 辦，

11b　　　Huann-hí sī ūi-tio̍h sim tsìng-ti̍t ê lâng lâi pī-pān.
　　　　　歡 喜 是 為 著 心 正 直 的 人 來 備 辦。

12a　Gī-lâng ah , lín tio̍h in-ūi Iâ-hô-hua lâi huann-hí ;
　　　義 人 啊， 恁 著 因 為 耶 和 華 來 歡 喜；

12b　　　Kì-liām I ê sìng-miâ lâi tsàn-bí .
　　　　　紀 念 祂 的 聖 名 來 讚 美。