《押韻啟應詩篇》

台語押韻啟應詩篇 18b

作者 Tīnn Jî-gio̍k

25a　Tsû-ài ê lâng, Lí īng tsû-ài khúan-thāi i ;
　　慈　愛的人，Ｌｉ２用　慈　愛　款　待　他；
25b　　　Ûan-tsûan ê lâng, Lí īng ûan-tsûan khúan-thāi i ;
　　　　完　全　的人，Ｌｉ２用　完　全　款　待　他；

26a　Tshing-khì ê lâng, Lí īng tshing-khì khúan-thāi i ;
　　清　氣　的人，Ｌｉ２用　清　氣　款　待　他；
26b　　　Kūai-phiah ê lâng, Lí īng uan-khiau khúan-thāi i .
　　　　乖　癖　的人，Ｌｉ２　用　彎曲　款　待　他。

27a　In-ūi khùn-khóo ê peh-sìnn, Lí beh kiù i ;
　　因 為 困 苦 的 百 姓，Ｌｉ２ 要 救 他；
27b　　　Tsū-ko ê ba̍k-tsiu kia̍h khí, Lí beh hōo i sûe--lo̍h-khì.
　　　　自 高 的 目 珠 舉 起，Ｌí 要 讓 它 垂 落 去。

28a　In-ūi Lí beh tiám-to̍h gúa ê ting;
　　因 為 Lí 要 點 ｔｏｈ８ 我 的 燈；
28b　　　Iâ-hô-hua gúa ê Siōng-tè beh tsiò-kng gúa ê àm-kíng,
　　　　耶 和 華 我 的 上 帝 要 照 光 我 的 暗 景，

29a　In-ūi gúa úa-khò Lí, tsiū tshiong-ji̍p kun-tūi,
　　因為 我 倚 靠 Ｌí，就 衝 入 軍 隊，
29b　　　Úa-khò gúa ê Siōng-tè , tsiū thiàu-kè tshiûnn-ûi.
　　　　倚 靠 我 的 上 帝，就 跳 過 牆 圍。

30a　Lūn-kàu Siōng-tè , I ê lōo sī ûan-tsûan--ê .
　　論 到 上 帝，祂 的 路 是 完 全 的。
30b　　　Iâ-hô-hua ê ūe sī kè thùan-liān--ê ;
　　　　耶 和 華 的 話 是 過 鍛 鍊 的；

30c　Kìnn-nā úa-khò I- -ê ,
　　凡 若 倚 靠 祂 的，
30d　　　I tsiū tsùe in ê tîn-pâi bián tò -thè.
　　　　祂 就 做 伊 的 盾 牌 免 倒 退。

31a　In-ūi Iâ-hô-hua í-gūa, tó-tsi̍t-ūi sī Siōng-tè ?
　　因 為 耶 和 華 以 外，那 一 位 是 上 帝？
31b　　　Gúan ê Siōng-tè í -gūa, siánn-lâng sī tsio̍h-pûann, sī iânn-tsē ?
　　　　阮 的 上 帝 以 外，甚 人 是 石 磐，是 營 寨？

32a　Tsiū-sī hit -ê īng khùi-la̍t hâ gúa ê io- -ê ,
　　就 是 彼 個 用 氣 力 縖 我 的 腰 者，
32b　　　Hōo gúa ê lōo ûan-tsûan ê Siōng-tè .
　　　　使 我 的 路 完 全 的 上 帝。

33a　I hōo gúa ê kha tshin-tshiūnn lo̍k-bú ê kha,
　　祂 使 我 的 腳 親 像 鹿 母 的 腳，
33b　　　Koh an-tì gúa kûan ê sóo-tsāi khùann thian-hā .
　　　　又 安 置 我 高 的 所 在 看 天 下。

34a　I kà-sī gúa ê tshiú gâu tsiàn-tsing,
　　祂教 示 我 的 手 善 戰 爭 ，
34b　　　Tì-kàu gúa ê tshiú-kut ūe khui tâng ê king.
　　　　致 到 我 的 手 骨 會 開 銅 的 弓 。

35a　Lí īng Lí kiù-un ê tîn-pâi hōo gúa;
　　Ｌí 用 Ｌí 救 恩 的 盾 牌 給 我；
35b　　　Lí īng tsiànn-tshiú hû-tshî gúa; Lí ê un-hô hōo gúa tsùe tūa.
　　Ｌí 用 右 手 扶 持 我；Ｌí 的 溫 和 使 我 做 大。

36a　Lí hōo gúa sóo ta̍h ê tūe khui-khuah;
　　Ｌí 使 我 所 踏 的 地 開 闊 ；
36b　　　Gúa ê kha bē bat ta̍h-tshū iô-tsuah.
　　　　我 的 腳 未 曾 踏 滑 搖 泏 。

37a　Gúa beh tùi gúa ê tùi-ti̍k pik-kīn, ia̍h beh jip-tio̍h in ;
　　我 要 對 我 的 對 敵 迫 近， 亦 要 追 著 伊；
37b　　　In iáu-bē bia̍t-bô ê tāi-sing,
　　　　伊 尚 未 滅 亡 的 事 先，
　　　　gúa bô beh tò-tńg lâi pàng-līng.
　　　　我 無 要 倒 返 來 放 鬆。

38a　Gúa beh phah in thiám-thiám, tì-kàu in būe khí-lâi kia̍h kiàm;
　　我 要 打 伊 殄 殄 ，致到 伊 未 起 來 舉 劍；
38b　　　In beh tó tī gúa ê kha-ē tiām-tiām.
　　　　伊 要 躺 在 我 的 腳 下 恬 恬。

39a　In-ūi Lí bat īng khùi-la̍t hâ gúa ê io ,
　　因 為 Ｌí 曾 用 氣 力 縖 我 的 腰，
39b　　　Hōo gúa gâu kau-tsiàn, m̄-bián hioh.
　　　　使 我 善 交 戰 ， 不 免 歇。

39c　Lí hōo hiah-ê khí-lâi kong-kik gúa--ê ,
　　Lí 使 那 些 起 來 攻 擊 我 的，
39d　　　Lóng hâng-ho̍k tī gúa ê kha -ē .
　　　　都 降 服 在 我 的 腳 下。

40a　Lí ia̍h hōo gúa ê tùi-ti̍k u̍at-tńg-sin tô-tsáu,
　　Ｌí亦 使 我 的 對 敵 越 轉 身 逃 走，
　　tshong-tshong bâng-bâng;
　　匆 匆 忙 忙；
40b　　　Hōo gúa ūe tsâu-bia̍t hiah-ê ùan-hūn gúa ê lâng.
　　　　使 我 會 殲 滅 那 些 怨 恨 我 的 人。

41a　In kiû-kiò, ia̍h bô lâng kiù in ;
　　伊 求 告，亦 無 人 救 伊；
41b　　　Tsiū kiû-kiò Iâ-hô-hua, I ia̍h bô ìn .
　　　　就 求 叫 耶 和 華，祂 亦 無 應。

42a　Gúa tûi in kàu tshùi-tshùi,
　　我 捶 伊 到 碎 碎，
42b　　　Tshin-tshiūnn hong tshe ê thôo-hún būe kui tui ;
　　　　親 像 風 吹 的 土 粉 不 歸 堆；

42c　Piànn-tshut in lo̍h-tē ,
　　傾 出 伊 落 地，
42d　　　Tshin-tshiūnn kue-lōo ê thôo-bê.
　　　　親 像 街 路 的 土 泥。

43a　Lí kiù gúa thuat-lī peh-sìnn ê sann-tsinn, bián-siū tînn-pùann,
　　Ｌí 救 我 脫 離 百 姓 的 相 爭， 免 受 纏 絆，
43b　　　Lí siat-li̍p gúa tsùe lia̍t-pang ê thâu lâi ín-tshūa,
　　　　Ｌí 設 立 我 做 列 邦 的 頭 來 引 導，
　　　　gúa pún-jiân m̄-bat ê peh-sìnn beh ho̍k-sāi gúa.
　　　　我 本 然 不 識 的 百 姓 要 服 侍 我。

44a　In tsi̍t-ē thiann-kìnn gúa ê miâ tsiū beh sūn-thàn gúa;
　　伊 一 下 聽 見 我 的 名 就 要 順 趁 我；
44b　　　Ī -pang ê lâng beh tâu-hâng gúa.
　　　　異 邦 的 人 要 投 降 我。

45a　Ī -pang-lâng beh sue-thè,
　　異 邦 人 要 衰 退，
45b　　　Kiann-hiânn ngia̍uh-ngia̍uh-tshuah tshut tùi in ê iânn-tsē.
　　　　驚 惶 愕 愕 惙 出 對 伊 的 營 寨。

46a　Iâ-hô-hua sī u̍ah--ê , gūan gúa ê tsio̍h-pûann tit-tio̍h o -ló ;
　　耶 和 華 是 活 的，願 我 的 石 磐 得 到 讚 美；
46b　　　Gūan kiù gúa ê Siōng-tè tit-tio̍h sing-kûan ko -ko.
　　　　願 救 我 的 上 帝 得 到 升 高 高 高。

47a　Tsit-ê Siōng-tè tsiū-sī hit-ê kā gúa sin-uan kàu-té--ê ,
　　此 個 上 帝 就 是 彼 個 給 我 申 冤 到 底 的，
47b　　　Hōo tsìng peh-sìnn hâng-ho̍k tī gúa ê ē -bīn--ê .
　　　　使 眾 百 姓 降 服 在 我 的 下 面 的。

48a　I kiù gúa thuat-lī gúa ê tùi-ti̍k,
　　祂 救 我 脫 離 我 的 對 敵，
48b　　　Lí tsiong gúa kú-khí, tsin tsik-ki̍k,
　　　　Ｌí 將 我 舉 起， 真 積 極，

48c　Khah kûan hiah-ê khí-lâi kong-ki̍k gúa--ê ;
　　較 高 彼 的 起 來 攻 擊 我 的；
48d　　　Lí sī kiù gúa thuat-lī kiông-pō--ê .
　　　　Lí 是 救 我 脫 離 強 暴 的。

49a　Iâ-hô-hua ah, in -ūi án-ni
　　耶 和 華 啊，因 為 按 呢
　　gúa beh tī lia̍t-pang-tiong kám-siā Lí ;
　　我 要 在 列 邦 中 感 謝 Ｌí；
49b　　　Tshiùnn-kua o -ló Lí ê miâ-jī .
　　　　唱 歌 讚美 Ｌí 的 名 字。

50a　Iâ-hô-hua siúnn-sù ki̍k-tūa ê kiù-un,
　　耶 和 華 賞 賜 極 大 的 救 恩，
50b　　　Hōo I sóo siat-li̍p ê ông ia̍h ū hūn.
　　　　給 祂 所 設 立 的 王 亦 有 份。

50c　Si-tshut tsû-ài hōo I siū-buah-iû-- ê ,
　　施 出 慈 愛 給 祂 受 抹 油 者，
50d　　　Tsiū-sī hōo Tāi-pi̍t kap i ê hōo -è , ti̍t-kàu íng-úan bô thè.
　　就 是 讓 大 闢 及 他 的 後 裔，直 到 永 遠 無 退。