《押韻啟應詩篇》

台語押韻啟應詩篇 28

作者 Tīnn Jî-gio̍k

Tāi-pi̍t ê si.

1a　Iâ-hô-hua ah , gúa beh kiû-kiò Lí bô suah;
　　耶 和 華　啊， 我　要　求　叫　Ｌｉ２無　息；
1b　　　Gúa ê tsio̍h-pûann ah , m̄-thang bô beh thiann gúa.
　　　　我　的 石　磐　啊，不 通　無 要　聽　我。


1c　Nā Lí tùi gúa tsīng-tsīng bô ànn hī-khang.
　　若　Ｌｉ２對　我　靜　靜　無　俯 耳 孔。
1d　　　Gúa tsiū tshin-tshiūnn ji̍p bōng ê lâng.
　　　　我　就　親　像　入　墓　的 人。


2a　Gúa kiû-kiò Lí , ǹg Lí ê tsì-sìng-sóo kia̍h tshiú ê sî ,
　　我 求 叫　Ｌｉ２， 向 　Ｌｉ２的 至 聖 所 舉 手 的 時，
2b　　　Kiû Lí thiann gúa khún-kiû ê siann lâi tsí-sī .
　　　　求　Ｌｉ２聽 我 懇 求 的 聲 來 指 示。


3a　M̄-thang tsiong gúa kap pháinn-lâng, í -ki̍p tsok-gia̍t ê lâng,
　　不 通 將 我 和 歹 人， 以 及 作 孽 的 人，
3b　　　Tsùe tsi̍t -ē tû--khì kàu khang-khang.
　　　　做 一 下 除 去 到 空 空 。


3c　In kap tshù-pinn kóng hô-pîng ê ūe ,
　　伊 與 厝 邊 說 和 平 的 話，
3d　　　Tsóng-sī in ê sim kan-hiám hu-kúe.
　　　　總 是 伊 的 心 奸 險 虛 假。


4a　Gūan Lí tsiàu in sóo tsùe--ê kui hōo in ,
　　願　Ｌｉ２照 伊 所 作 的 歸 給 伊，
4b　　　Iā tsiàu in sóo kiânn ê pháinn-tāi, khúan-thāi in ;
　　　　也 照 伊 所 行 的 壞 事，款 待 伊；


4c　Gūan Lí tsiàu in ê tshiú sóo tsùe--ê , khúan-thāi in ;
　　願　Ｌｉ２照 伊 的 手 所 做 的，款 待 伊；
4d　　　Tsiong in sóo ing-kai tú-tio̍h--ê pò-ìng in .
　　　　將 伊 所 應 該 遇 著 的 報 應 伊。


5a　In kì-jiân bô liû-sim tī Iâ-hô-hua sóo kiânn--ê ,
　　伊 既 然 沒 留 心 在 耶 和 華 所 行 的，
5b　　　Í - ki̍p I ê tshiú sóo tsùe--ê ;
　　　　以 及 祂 的 手 所 做 的；


5c　I tsiū beh húi-hūai in ,
　　祂 就 要 毀 壞 伊，
5d　　　Bô beh kiàn-li̍p in .
　　　　不 要 建 立 伊。


6a　Iâ-hô-hua sī ing-kai o -ló ê miâ,
　　耶 和 華 是 應 該 讚 美 的 名，
6b　　　In -ūi I thiann gúa khún-kiû ê siann.
　　　　因 為 祂 聽 我 懇 求 的 聲。


7a　Iâ-hô-hua sī gúa ê li̍k-liōng,
　　耶 和 華 是 我 的 力 量，
7b　　　Ia̍h sī gúa ê tîn-pâi teh pó-tsiong.
　　　　亦 是 我 的 盾 牌 在 保 障。


7c　Gúa ê sim úa-khò I ,
　　我 的 心 倚 靠 祂，
7d　　　Gúa tsiū tit-tio̍h pang-tsān bián khùa -ì .
　　　　我 就 得 著 幫 助 免 掛 意。


8a　Iâ-hô-hua sī I ê peh-sìnn ê khùi-la̍t teh pó-hōo .
　　耶 和 華 是 祂 的 百 姓 的 氣 力 在 保 護。
8b　　　Iā sī I siū buah-iû--ê tit-kiù ê ūe-sóo .
　　　　也 是祂 受 抹 油 者 得 救 的 衛 所。


9a　Kiû Lí tsín-kiù Lí ê peh-sìnn, sù-hok Lí ê sán-gia̍p,
　　求　Ｌｉ２拯 救　Lｉ２的 百 姓，賜 福 　Ｌｉ３ 的 產 業，
9b　　　Iúnn-tshī in , hû-tshî in , kàu íng-úan lóng sùa-tsiap.
　　　　養 飼 伊，扶 持 伊， 到 永 遠 攏 續 接。