《押韻啟應詩篇》

 | | | 轉寄

台語押韻啟應詩篇 7

作者 Tīⁿ Jî-gio̍k 2006.02.12

7 Tāi-pi̍t tsí Piān-ngá-bín-lâng Kó͘-si̍t ê uē, ǹg Iâ-hô-hua tshiùⁿ-kua; tiāu, īng Si-kai-un.

1a　Iâ-hô-hua guá ê Siōng-tè ah , guá uá-khò Lí ;
　　耶　和　華　我　的　上　帝　啊，　我　倚　靠　Lí；
1b　　　Kiû Lí kiù guá tuì it-tshè tui-kuáⁿ guá ê lâng kiù guá tô -siⁿ.
　　　　求　Lí　救　我　從　一　切　追　趕　我　的　人　 救　我　逃　生。

2a　Kiaⁿ-liáu i tshin-tshiūⁿ sai, thiah-li̍h guá;
　　驚 了 他 親 像 獅， 拆 裂 我；
2b　　　Iā bô lâng lâi tsín-kiù guá.
　　　　也 無 人 來 拯 救 我。

3a　Iâ-hô-hua guá ê Siōng-tè ah , guá siat-sú ū sím-mi̍h put-gī ;
　　耶 和 華 我 的 上 帝 啊，我 設 使 有 甚 麼 不 義；
3b　　　Nā ū tsuē-ok tī guá ê tshiú--ni̍h.
　　　　若 有 罪 惡 在 我 的 手 裡。

4a　Guá nā īng pháiⁿ pò hit -ê kap guá hô-hó ê lâng;
　　我 若 用 歹 報 彼 個 與 我 和 好 的 人；
4b　　　( Kî-si̍t liân hit-ê bô iân-kò͘ kap guá tsuè tuì-ti̍k ê lâng,
　　　　其 實 連 彼 個 無 原 故 與 我 做 對 敵 的 人，
　　　　guá ia̍h ū kiù i thuat lô-bāng.)
　　　　我 亦 有 救 他 脫 羅 網。

5a　Tsiū tshut-tsāi tuì-ti̍k tui-ji̍p guá, kàu ji̍p--tio̍h;
　　就 出 在 對 敵 追 入 我， 到 入 著；
5b　　　Tsiong guá ê sìⁿ-miā ta̍h tsuè thô͘-kha-tsio̍h,
　　　　將 我 的 性 命 踏 做 土 腳 石，
　　　　tsiong guá ê îng-kng hē tī thô͘-hún bián pó -sioh.
　　　　將 我 的 榮 光 下 在 土 粉 免 寶 惜。

6a　Iâ-hô-hua ah, kiû Lí tī Lí ê siū-khì-tiong khí--lâi,
　　耶 和 華 啊，求 (fa50) 在 (fa50) 的 怒 氣 中 起 來，
6b　　　Peh--khí--lâi khiā tsāi tí-tng guá ê tuì-ti̍k ê tuā hām-hāi.
　　　　爬 起 來 徛 在 抵 擋 我 的 對 敵 的 大 陷 害。

6c　Kiû Lí uī-tio̍h guá lâi tshíⁿ koh khuàⁿ,
　　求 Ｌｉ２ 為 著 我 來 醒 又 看，
6d　　　Tsiàu Lí só͘ tiāⁿ-tio̍h lâi tsuè sím-phuàⁿ.
　　　　照　Ｌｉ２ 所 定 著 來 作 審 判。

7a　Guān Lí hō͘ lia̍t-pang uî-luî tī Lí ê bīn-tsîng,
　　願　Ｌｉ２ 使 列 邦 圍 壘 在　Ｌｉ２ 的 面 前，
7b　　　Guān Lí tò-tńg tī kuân-uī tī in ê bīn- tíng.
　　　　願　Ｌｉ２ 倒 轉 在 高 位 在 伊 的 面 頂。

8a　Iâ-hô-hua ah , kiû Lí sím-phuàⁿ tsìng peh-sìⁿ;
　　耶 和 華 啊， 求　Ｌｉ２ 審 判 眾 百 姓；
8b　　　Iâ-hô-hua ah, kiû Lí phuàⁿ-tuàn guá, tsiàu lí-khì,
　　　　耶 和 華 啊，求　Ｌｉ２ 判 斷 我，照 理 氣，
　　　　tsiàu guá sim-lāi ê tsìng-ti̍t kap guá ê gī .
　　　　照 我 心 內 的 正 直 及 我 的 義。

9a　Guān pháiⁿ-lâng ê pháiⁿ kàu tsia suah,
　　願 歹 人 的 歹 到 此 息，
　　gī-lâng Lí hō͘ i khiā-tsāi bô iô-tsuah,
　　義 人　Ｌｉ２ 使 他 徛 在 無 搖 泏，
9b　　　In-uī kong-gī ê Siōng-tè
　　　　因 為 公 義 的 上 帝
　　　　kàm-tshat lâng ê sim-tn̂g ue̍h á -sī khuah.
　　　　鑑 察 人 的 心 腸 狹 或是 闊。

10a　Guá ê tîn-pâi tsāi-tī Siōng-tè ,
　　我 的 盾 牌 在 於 上 帝，
10b　　　I tsín-kiù sim-lāi tsìng-ti̍t ê lâng tsi̍t-ê tsi̍t-ê .
　　　　祂 拯 救 心 內 正 直 的 人 一 個 一 個。

11a　Siōng-tè sī kong-gī ê sím-phuàⁿ-si ;
　　上 帝 是 公 義 的 審 判 司；
11b　　　Ia̍h sī ji̍t-ji̍t huat-tshut I ê siū-khì.
　　　　亦 是 日 日 發 出 祂 的 怒 氣。

12a　Lâng nā m̄ huán-hué kái-kò ,
　　人 若 不 反 悔 改 過，
12b　　　I beh buâ I ê to ;
　　　　祂 要 磨 祂 的刀；

12c　I ū tiuⁿ I ê king,
　　祂 有 張 祂 的 弓，
12d　　　Pī-pān piān-piān, siòng tsing-tsing.
　　　　備 辦 便 便， 相 精 精 。

13a　I pī-pān uē hō͘ lâng sí ê ke-si ,
　　祂 備 辦 會 使 人 死 的 机 俬，
13b　　　I só͘ siā ê tsìⁿ sī hé ê tsìⁿ.
　　　　祂 所 射 的 箭 是 火 的 箭。

14a　Lí khuàⁿ, pháiⁿ-lâng tô͘-bô͘ kan-ok ,
　　Ｌｉ２ 看， 歹 人 圖 謀 奸 惡，
14b　　　Huâi-īn to̍k-hāi, siⁿ-tshut hu-ké siâ-ok .
　　　　懷 孕 毒 害， 生 出 虛 假 邪 惡。

15a　I khui khut, ku̍t hō͘ i ná tshim-khiⁿ,
　　他 開 窟， 掘 使 它 若 深 坑，
15b　　　Kìng-jiân pua̍h-lo̍h tī i só͘ khui ê hām-khiⁿ.
　　　　竟 然 跋 落 在 他 所 開 的 陷 坑。

16a　I ê to̍k-hāi beh tò-tńg kàu i ê sing-khu-tíng;
　　他的 毒 害 要 倒 返 到 他的 身 軀 頂；
16b　　　I ê kiông-pō beh lo̍h tī i ê thâu-khak-tíng.
　　　　他的 強 暴 要 落 在 他 的 頭 殼 頂。

17a　Guá beh tsiàu Iâ-hô-hua ê kong-gī kám-siā I ;
　　我 要 照 耶 和 華 的 公 義 感 謝 祂；
17b　　　Koh o -ló tsì-kuân Iâ-hô-hua ê miâ-jī.
　　　　又 讚 美 至 高 耶 和 華 的 名 字。