《台語荒漠甘泉（全羅版）》

"Tsú beh ûan-sîng tsiah ê sū"

作者 陳清俊 翻譯

listen






Tshit ge̍h tshue-it (Tshit ge̍h it ji̍t)

"hiah-ê kàu kî beh ìng-giām ê ūe." (Lōo-ka 1:20)
"Tsú sóo kā i kóng ê ūe beh ìng-giām." (Lōo-ka 1:45)

Tsú khak-tīng ûan-sîng tsiah ê sū,
Thiànn-thàng ê sim sóo ǹg-bāng kú-kú,
Kian-sìn it-tīng beh ìng-giām ê ūe-gú,
In-ūi Siōng-tè í-king ìng-ún ū,
Jīn-bat I, bô hûai-gî I ūe-sû,
Kóng ūe tsiū ūe, tsûan-lîng ê Tsú!

Tsú khak-tīng ûan-sîng tsiah ê sū,
Tîm-tāng ê sim, lâi hioh tī I ê tshù,
Tī I si̍t-ē an-tsīng ku,
Thìng-hāu khat-bōng kî-tó ê hûe-hù,
Sim ūe tshiùnn-kua, nā kau-tshut iu-lū,
Tsú khak-tīng ûan-sîng tsiah ê sū,

Tsú khak-tīng ûan-sîng tsiah ê sū,
Ià-siān ê sim, tioh sìn, thìng-hāu, kiû,
Àm-sî teh tân hô-pîng tsing-siann,
Thàu-kè hûn, hōo, hong-thai lâi thiann,
Sìn-sim tsǹg kè hûn-bū giâu-gî,
Tī koh lâi ê mî, khùann-kìnn thinn tshinn.

Tsú khak-tīng ûan-sîng tsiah ê sū-kong,
Sìn-khò ê sim, Tsú kā lí kóng,
Tián-khui sìn-sim kap hi-bōng,
Pe ǹg ji̍t, ǹg hûn, ǹg thian-khong,
Lê-bîng ǹg-bāng ê mn̂g í-king khai-hòng,
Huann-hí àm-mî kè-óng.

Hng-lī Má-thài (Matthew Henry) kóng, "Lán khò Siōng-tè lâi si̍t-hîng I ê ìng-ún, sīm-tsì sóo-ū ê lōo lóng kuainn khí-lâi. Siōng-tè sóo ìng-ún ê, bô-lūn jūa tsūe, tsāi-tī Ki-tok lóng ū "Sī", sóo-í "À-bīng" iā sī tùi I, hōo Siōng-tè tùi lán tit-tio̍h îng-kng. (II Ko-lîm-to 1:20)"

附註:《荒漠甘泉》漢羅版kap "Hong-bôoKam-tsûann"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw