《巫義淵台語常用字》

 | | | 轉寄

常用字_34....「笑」

作者 巫義淵 2013.03.03

笑有三个讀音：1.*tshiàu (超三聲) 2.tshiò (哨三聲) 3.siàu (少)。這字佇台語一般 kan-nā 會曉使用兩個讀音但定[nā-tiāⁿ]，猶一個siàu 的讀音就真少人會曉。第一個讀音：tshiàu、是本音，是歡喜的容貌。例如：笑容[tshiàu-iông]歡喜開顏的款式。廣韻：欣也，喜也。增韻：喜而解顏啟齒也。第二個讀音：tshiò、是話音，有兩個含意。(1). 歡喜的容貌。例如：微笑[bî-tshiò]。(2).譏笑[ki-tshiò]，諷刺[hóng-tshì]。第三個讀音：siàu、是微笑的款式。說文：笑無啟齒也。例如：笑面迎人[siàu-biān gîng-jîn]。

重點字詞：
【笑】1.*tshiàu (超三聲) 2.tshiò (哨三聲) 3.siàu (少)。
【笑面】[siàu-biān] (誚蝒)。笑面迎人。
【笑咱】[tshiò-lán] (笑懶)。
【含笑】[hâm-tshiàu] (函仯)。含笑歸土。

用例：
人講生理人烏龜性，其實政治人物猶 khah 著愛烏龜性，為著選舉的需要，逐擺若見著選民攏愛【笑面迎人】[siàu-biān gîng-jîn]，後擺若koh 選才提有票。看著執政黨佇選舉期間，凡事造假、拐騙、用錢買，所以中國人攏【笑咱】[tshiò-lán]是假民主，講 in 才是真正做民的主。世界各地的歷史加減攏有被修改過，總是西方的歷史比較較寫實一點仔，抑若中國的歷史是較愛phòng 風，特別是領土方面、攏是用拗蠻、白賊、亂使講。佇近代出土的古物認定、規萬年前台灣就有人居住，所以佮中國 khangkh5énái,不過 in 續講台灣是 in 固有的領土！？1945年中華民國受聯軍的委託、去接收越南，也來接收台灣，越南人較巧、無偌久tio̍h 將中國軍趕--出去。抵好佇彼個時陣中國國共內戰，國民黨打輸走贏、逃亡來到台灣，自按呢「鳩佔鵲巢」、將台灣佔為己有。有真濟台灣人無想著自己的親情朋友、抑是阿伯阿叔，被國民黨無辜濫殺，猶去咧倚殖民者、做殖民者的爪牙，斯當時 in 被濫殺的阿伯、所留落來的阿姆，不知有【含笑歸土】[hâm-tshiàu kui-thó͘]抑無！？