《CTT出頭天園地》

 | | | 轉寄

I-sap 寓言 47

作者 TLH 2008.01.06

47 Sit-khì Bué-liu ê Hô͘-lî

Tsi̍t-tsiah hô͘-lî bué-liu hō͘ gia̍p-á gia̍p--tio̍h, uī-tio̍h beh tô-miā, tsiū kā bué-liu tshuah--tn̄g. Tsi̍t khai-sí, i kám-kak bô bué-liu tsin pháiⁿ-khuàⁿ, m̄-káⁿ tshut-khì kìⁿ-tsìng. M̄-kú, lō͘-bué-tshiú i kuat-tīng beh biān-tuì hiān-si̍t. I tsiū iáu-tshiáⁿ só͘-ū ê hô͘-lî lâi khai-káng.

Tāi-ke lóng kàu-uī ê sî, i kā tāi-ke kó͘-bú kóng, “Bué-liu ū nn̄g-hāng bái. Tē-it, hō͘ ti̍k-jîn jiok ê sî, bué-liu ē hō͘ káu-á kā--tio̍h. Tē-jī, lán beh tsē lo̍h-lâi khai-káng ê sî, bué-liu tsin tìn-tè. Guá khuàⁿ bē-tshut bué-liu ū sím-mi̍h lō͘-iōng, guá kiàn-gī tāi-ke lóng kā bué-liú tok--tn̄g.“

Tsi̍t-tsiah lāu hô͘-lî kā thuh-tshàu, kóng, “Lí kóng-liáu tsin ū tō-lí. M̄-kú, lí iáu-ū bué-liu ê sî, kiám ē án-ne kā guán kiàn-gī?”

Pa̍t-lâng tsū-su bô ha̍p-lí ê kiàn-gī, m̄-thang tshìn-tshái tsiap-la̍p.