《CTT出頭天園地》

 | | | 轉寄

I-sap 寓言 48

作者 TLH 2008.01.13

48. To̍k-gán Lo̍k

Tsi̍t-tsiah lo̍k-á put-hīng tsi̍t-luí ba̍k-tsiu pháiⁿ--khì, khuàⁿ-bē-tio̍h mi̍h-kiāⁿ. Uī-tio̍h beh tô-pī guî-hiám, lóng khì tī hái-piⁿ ê tuān-gâi tsia̍h-tsháu. I khò ba̍k-kng hit-luí tsù-ì suaⁿ tsit-pîng ê tōng-tsīng, siám-pī kuè tsin-tsuē guî-hiám. Bué-á ti̍k-jîn huat-hiān i ǹg hái hit-luí ba̍k-tsiu tsheⁿ-mê, tsiū tshiàⁿ-lâng kò-tsûn tuì hái-bīn lâi, iōng tsìⁿ kā siā--sí. I kan-ta ai tsi̍t-siaⁿ tsiū sí--khì lah!

Huân-sū tio̍h-ài kuan-tsîng kò͘-āu, nā bô tsiū ē sit kak-tshat, tsīn-khò tsīn-gō͘.