《CTT出頭天園地》

 | | | 轉寄

I-sap 寓言 49

作者 TLH 2008.01.20

49. Kā Niau-á Kuà Giang-á

Tsi̍t-tīn niáu-tshí tsò-tīn teh tsham-siông, beh án-tsuáⁿ tuì-hù in ê ti̍k-jîn-niáu-á. Ta̍k-ê tsa̍p-tshuì káu kha-tshng, kóng kàu tshuì-kak tsuân-pho. Kàu bué-á, tsi̍t-tsiah siàu-liân niáu-tshí thê-gī, “ Guá ū tsi̍t-ê siōng-hó ê pān-huat, lán lâi kā niáu-á kuà tsi̍t-ê giang-á. Án-ne, niáu-á nā kiâⁿ uàⁿ--lâi, giang-á-siaⁿ tsiū ē kā lán kíng-kò, lán tsiū ē-hù thang kuáⁿ-kín tô-miā.” Tāi-ke thiaⁿ-liáu lóng phah po̍k-á tsàn-sîng, o-ló i ē-hiáu siūⁿ tsit-ê pān-huat tsin khiáu. Ū tsi̍t-tsiah lāu niáu-tshí khiā--khì--lâi, mn̄g tāi-ke, “Taⁿ, siáⁿ-lâng beh khì kā niau-á kuà giang-á?” Tsit-sî, tāi-ke lí khuàⁿ guá, guá khuàⁿ lí, m̄-tsai beh án-tsuáⁿ beh tsuáⁿ-iūⁿ pān tsiah hó.
Kóng--ê pí tsò--ê khah kán-tan.