《CTT出頭天園地》

 | | | 轉寄

I-sap 寓言 7

作者 TLH 2007.04.01

7. Sai kap Tshí

Ū tsi̍t-ji̍t, Sai teh khùn, Tsi̍t-tsiah niáu-tshí m̄ tsai sí, Peh khí sai ê sin-khu tíng tsáu-lâi tsáu-khì. Sai hō͘ i tshá--tshíⁿ, Tuā-tshiú giâ-khí-lâi hap--lo̍h--khì, Sa tio̍h tshí. Sai tshuì-á peh kàu khui~khui~khui, Siūⁿ beh kā niáu-tshí thun--lo̍h--khì. Niáu-tshí tuā siaⁿ ai-ai hiⁿ, “Tāi-ông ah! Jiâu guá tsi̍t-pái mài siū-khì, Tsiong-lâi guá ē pò-tap--lí.” Sai kám-kak tsin tshù-bī, He sī bô khó-lîng ê tāi-tsì. Tsi̍t-sim khó-liân--i, Kui-khì pàng-pàng hō͘ i khì.

Bô juā-kú, Sai pua̍h-lo̍h hām-tsíⁿ--ni̍h. La̍h-jîn kā pa̍k tī tshiū-kha-piⁿ, Beh kā tshia khì hiàn hō͘ kun-ông i. Niáu-tshí kiâⁿ--kuè khuàⁿ-tio̍h siù-ông ai-ai-hiⁿ, Si̍t-tsāi thòng-khó͘ koh ai-pi. Niáu-tshí tshuì-khí tsin lāi-lī, Soh-á hō͘ i kā tn̄g--khì, Bān-siù tsi-ông hō͘ tshí kiù-tsáu--khì. M̄-thang khuàⁿ tshí sè-tsiah koh bô-mi̍h, Sió-tsut-á mā ū tsi̍t-pō͘ tshú, Tsua̍t-tuì bē bōng-un koh puē-gī!