《CTT出頭天園地》

 | | | 轉寄

I-sap 寓言 8

作者 TLH 2007.04.08

8. Ìⁿ-á kap Tsiáu-á

　Tse huat-sing tī tsi̍t-ê tsng-kha só͘-tsāi. Ū tsi̍t-ê lâng tī tshân--ni̍h tsò-sit, teh iā tuā-muâ ê tsíng-tsí. Ū tsi̍t-tsiah ìⁿ-á kap tsin tsē tsiáu-á, tī tshân--ni̍h thiàu-lâi thiàu-khì tshuē mi̍h tsia̍h. Ìⁿ-á kóng, “Ài tsù-ì hit-ê lâng.” Kî-tha ê tsiáu-á mn̄g, “Uī sím-mi̍h? I teh tshòng sím-mi̍h leh?” Ìⁿ-á kóng, “I teh iā tuā-muâ ê tsíng-tsí. Tāi-ke ài tsim-tsiok kā só͘-ū ê tsíng-tsí lóng khioh khí-lâi tsia̍h hō͘ tshing-khì; nā bô lín ē hiō-hué.” Kî-tha ê tsiáu-á kin-pún to bô teh kā thiaⁿ.

　Kuè bô juā-kú, tuā-muâ tsíng-tsí tī thô͘--ni̍h puh-íⁿ, tshiū-tsai bān-bān-á tuā-tsâng sîng-si̍k lah. Hō͘ lâng kā the̍h-lâi pīⁿ tsò muâ-soh, tshiah tsò bāng-á. Tsin-tsē tsiáu-á lóng hō͘ tsia-ê bāng-á bāng--tio̍h.

　Ìⁿ-á kóng, “Guá kiám m̄-sī láu-tsá tsiū kóng--kuè?” Sī beh khah kut-la̍t leh, kā tsuân-pō͘ ê tsíng-tsí siau-bia̍t; á-sī beh khǹg leh hō͘ puh-íⁿ, sîng-tióng,tuā-tsâng, lâi hāi-sí ka-kī?