《CTT出頭天園地》

 | | | 轉寄

I-sap 寓言 11

作者 TLH 2007.04.29

11 Iá-thò͘ kap Sì-kha-á

　Iá-thò͘ tiāⁿ-tiāⁿ hō͘ kî-tha ê iá-siù pik-sat kàu tsáu bô-lō͘, m̄-tsai beh bih tuì tó-uī khì. Kìⁿ-nā khuàⁿ-tio̍h jīm-hô tsi̍t-tsiah ê tōng-bu̍t tsiap-kīn, in tsiū ē kuáⁿ-kín liu-suan.

　Ū tsi̍t-ji̍t, in khuàⁿ-tio̍h tsi̍t-tīn iá-bé tsáu kàu tsin tsheⁿ-kông. Tsit-khuán tsîng-kíng hō͘ iá-thò͘ tsin tio̍h-kiaⁿ. In tsuân-pō͘ tsáu tuì hū-kīn ê ô͘ khì, siūⁿ beh tsò-tīn thiàu-ô͘ tsū-sat, kam-guān sí iā bô-ài koh kuè tsit-khuán kiaⁿ-hiâⁿ ê sing-ua̍h. Ô͘-piⁿ ū tsi̍t-tīn sì-kha-á khuàⁿ-tio̍h iá-thò͘ tsáu uá--lâi, suà kiaⁿ kàu lóng-tsóng thiàu lo̍h-khì tsuí--ni̍h.

　Ū tsi̍t-tsiah iá-thò͘ khuàⁿ--tio̍h, kóng, “Sū-si̍t-siōng, tāi-tsì pīng bô giâm-tiōng kàu su-iàu thiàu-tsuí tsū-sat.”

　Tsóng ū lâng tsōng-hóng pí lán koh-khah bái.