《CTT出頭天園地》

 | | | 轉寄

I-sap 寓言 35

作者 TLH 2007.10.14

35. Phuà-pēⁿ ê Sai

Tsi̍t-tsiah phuà-pēⁿ kàu teh-beh sí--khì ê sai, tó t7 i ka-kī ê tōng-kháu, kan-ta tshun tsi̍t-sut-á khuì-si-á. Hū-kīn ê iá-siù lóng lâi uî tī i ê sin-piⁿ. Sai jú bô kuì-la̍t, in tsiū jú uá-kīn--i.

Tsiah-ê tōng-bu̍t khuàⁿ-tio̍h sai kiông-beh sí--khì, sim-lāi siūⁿ kóng, “Pò-siû ê sî-ki í-king kàu lah!” Suaⁿ-ti iōng i ê tn̂g-gê kā sai tuh--lo̍h--khì, gû mā iōng i ê kak kā sai lòng--lo̍h--khì. Sai iû-guân lóng bô puàⁿ-tih khuì-la̍t thang tí-khòng, bē-tín bē-tāng tó tī hia.

Tsit-sî, lî-á kám-kak sai í-king tuì i bô guî-hiàm-sìng lah, tsiū bué-liu ǹg sai, iōng kha-tê-á tuì sai ê bīn that--lo̍h--khì.

Sai tuā-siaⁿ ai, kóng, “Siū-tio̍h tsit-khuán ê bú-jio̍k si̍t-tsāi sī pó sí koh-khah thòng-khó͘.“ Ah! Kan-ta juán-jio̍k bô-táⁿ ê lâng tsiah ē khì kong-kik teh-beh sí ê thâu-ông.