《CTT出頭天園地》

 | | | 轉寄

I-sap 寓言 37

作者 TLH 2007.10.28

37. Lo̍k-á kap Phah-la̍h ê Lâng

Ū tsi̍t-pái, lo̍k-á tī tsuí-tî-á piⁿ teh lim-tsuí. I khuàⁿ-tio̍h tsuí--ni̍h ka-kī ê hîng-iáⁿ, o-ló kóng, “ Beh khì tó-uī tshuē tshiūⁿ tsit-khuán tsiah-ni̍h suí koh ko-sióng, tshin-tshiūⁿ tsi̍t-tíng ông-kuan ê lo̍k-kak leh? Guá hi-bāng koh-ū bí-lī ê kha lâi phuè guá ê ông-kuan. Guá ê kha siuⁿ sán, siuⁿ sè-kho͘, ū tsi̍t-tiám-á khó-sioh.”

Tsit-ê sî-tsūn, Phah-la̍h ê lâng tú-hó kàu-uī. “Siú”--tsi̍t--ē , tsi̍t-ki tsìⁿ tú-hó siā-kàu Lo̍k-á ê āu-piah. Lo̍k-á khí-kha tsiū tsáu.

Lo̍k-á khò i hiâm sè-kho͘ ê kha, suî tsáu-kàu hō͘ Phah-la̍h ê lâng khuàⁿ bē-tio̍h. Bô tiuⁿ-tî suà tsáu-ji̍p-khì e̍h-e̍h ê tshiū-nâ lāi, ko-kuì ê lo̍k-kak hō͘ tshiū-ue kê-tiâu leh, tsiu- án-ne hō͘ Phah-la̍h ê lâng lia̍h--tio̍h.

Lo̍k-á ná khàu ná kóng, “Suí koh ko-sióng ê mi̍h-kiāⁿ, bô it-tīng ū lō͘-iōng; ū lō͘ iōng ê mi̍h-kiāⁿ, lán tian-tò khuàⁿ bē tsiūⁿ ba̍k.”