《CTT出頭天園地》

 | | | 轉寄

I-sap 寓言 39

作者 TLH 2007.11.11

39. Hué-ke kap Khóng-tshiok

Ū tsi̍t-tsiah hué-ke tuā-táⁿ tsáu-ji̍p-khì khóng-tshiok ê tē-puâⁿ. I khuàⁿ-tio̍h tsin-tsē khóng-tshiok mn̂g, he sī khóng-tshiok uāⁿ-mn̂g ê sî lak--lo̍h--lâi--ê. I kā khóng-tshiok-mn̂g pa̍k-tī bué-liu, ké-iáⁿ ka-kī sī khóng-tshiok. Tsiok ū tsū-sìn tuā-pān tuā-pān kiâⁿ khì khóng-tshiok hia, siūⁿ beh kap in tsò-tīn.

Tng i kiâⁿ-uá ê sî, hit-tīn khóng-tshiok suî huat-hiān i sī ké-pâu--ê; tsiū kui-tīn tsáu-khì kā tok, kā thóng; koh kā i pa̍k-tī bué-liu ê khóng-tshiok-mn̂g lóng pue̍h-pue̍h-- lo̍h--lâi. Hué-ke tsin kiàn-siàu, m̄-káⁿ tńg-khì i ê tông-phuaN7hia.

I ê tông-phuāⁿ tī hn̄g-hn̄g ê só͘-tsāi, kā it-tshè khuàⁿ kàu tshing-tshing tshó-tshó, lóng tsin khí-mo͘ bái, mā thè i kám-kak tsin kiàn-siàu. Tuì i kóng, “ Beh tsò tsi̍t-tsiah ko-kuì ê tsiáu-á, kan-ta ū suí-suí ê ú-mô͘ sī bô kàu--ê.”

Iam-ke thàn hōng pue, m̄-nā bô khó-lîng, koh sī kiàn-siàu tāi.