《CTT出頭天園地》

 | | | 轉寄

I-sap 寓言 45

作者 TLH 2007.12.23

45. Tshò-tshâ ê kap Tsuâ

Tsi̍t-ê kuâⁿ-thiⁿ sî-á, ū tsi̍t-ê tshò-tshâ ê lâng tú tsò-sit tsò-liáu, beh tńg-khì tshù --ni̍h. Tī puàⁿ-lō͘ khuàⁿ-tio̍h suat-tui--ni̍h ū tsi̍t-hāng o͘-o͘ ê mi̍h-kiāⁿ. I kiâⁿ uá-khì siông-sè kā khuàⁿ, guân-lâi sī tsi̍t-bué tsuâ, tī suat-tui--ni̍h tàng kàu kiông beh sí lah! I kuáⁿ-kín kā lia̍h khí-lâi khǹg tī hing-tsîng hō͘ i un-luán, koh kā mo͘h tńg-khì tshù.

Tsi̍t ta̍h ji̍p-mn̂g tsiū kā tsuâ khǹg tī hang-lô͘ ê thâu-tsîng, kā haⁿh-sio. I ê gín-á lóng lâi uî tī piⁿ--á khuàⁿ. Tsuâ bān-bān-á koh ua̍h--khí--lâi. Tsi̍t-ê gín-á àⁿ lo̍h-khì tshun-tshiú kā bong, tsuâ suà giâ-thâu iōng i ê tsiam-gê beh kā kā. Tshò-tshâ--ê tio̍h tsi̍t-kiaⁿ, suî gia̍h pó͘-thâu kā tsuâ tok-tsò nn̄g-kue̍h!

“Ah!” Tshò-tshâ--ê kóng, “Khó-ò͘ⁿ ê thik-siⁿ! Tsiâⁿ-si̍t m̄-tsai-iáⁿ thang kám-un!”

Tuì tshò-tshâ--ê lâi kóng, tsi̍n-tsiàⁿ sī hó-sim hō͘ luî tsim. I hó-sim kiù tsuâ, gín-á suà hiám hō͘ tsuâ kā--sí. Tuì tsuâ lâi kóng, tuì tshing-tshéⁿ ê sî, hiông-hiông khuàⁿ-tio̍h tshiⁿ-hūn lâng, uī-tio̍h beh pó-hō͘ ka-kī, tong-jiân ē o͘-pe̍h kā lâng.