《赤崁樓ê情phoe》

 | | | 轉寄

Ióngtsiá Ūntōng Hōe —— Sin sim tsiònggāi tsiá

作者 Kua Pik'êng 2021.06.27



Kimsik ji̍tthâu kôankôan kòa thiⁿténg
Pe̍hsik hûnlúi sûi hong lōngliulian
Tsiáutsiah tī tshiūki liu liulông
Huaⁿhí ê tsôaⁿtsúi ti̍tti̍t tiòng

Lûn’í téngthâu tsi̍t pha sènglī hóe
Ióngtsiá thêngthêng phahkhui hó kèsè
Tshun kha hàiⁿ tshiú tsêtsê khiā tsòhóe
Khihkak ê phangbī siámsih beh khípue

Khòaⁿ! Uaitshua̍h ê tshùikak khiàu tsiūⁿ thiⁿ
Khòaⁿ! Uankhiau ê tshiúkut tián tōa si̍t
Khòaⁿ! Khangkhang ê ba̍ktsiu tshiò hihi
Khòaⁿ! Kiu té ê khathúi siōngkài súi

Tsi̍t tīn gín’á teh thiàubú
Tshutshu ê kikut kha phûphû
Iôtāng siósió ê khatshng hue
Tshiòsiaⁿ tshiongbóan thiⁿ kah tē

Kuaiⁿ ân ê simthang phah khuikhui
Bāng tī thang gōa teh siámsih
Khihkak ê tséngtsí puh sin íⁿ
Tshiong tshut o͘hûn tshiong tshut lî

Thêsing ê tshiú ke tsi̍t siang
Tîmlûn ê sim kiám tsi̍t lia̍p
Pátīⁿ ê ài tsò pûité
Sìⁿmiā khih tsi̍t kak mā bô kuanhē