《赤崁樓ê情phoe》

 | | | 轉寄

Góa Bô Koài Lí —— Polê uaua

作者 Kua Pik'êng 2021.07.11



Góa bô koài lí
Tng góa tùi lí ê khatsiahphiaⁿ, siak lo̍h
Góa thiaⁿkìⁿ sìⁿmiā tsi̍t tsat tsi̍t tsat, tshùi iûⁿiûⁿ
Lak lo̍h útiū khangkhak ê siaⁿim
Khinkhin khongkhong
M̄ sī lí tsho͘ kha pūn tshiú
Sī góa miā tiong tsùtiāⁿ

Góa tsá tsiū huatkak góa ê tsûntsāi
Sī tsi̍t tsūn thangkng ê hong
Tshingtshùi ê kutki, piàn hêng ê kutkeh
Tsheⁿ súnsún ê bīn tiāⁿtiāⁿ phû tsi̍t iân tsheⁿ súnsún ê kōaⁿ
In'ūi lí, sng khó͘ ê ji̍ttsí tsiah pō͘ tio̍h kamtiⁿ
Kám'un ê sim, ba̍ttō͘ khah kāu lí kingkahthâu ê tāng kōaⁿ

Tsin pháiⁿsè!
Hāi lí phāiⁿtio̍h tāng khoâiⁿkhoâiⁿ ê bûko͘

Góa ê tshutsì, sī beh hō͘ lâng ik tshut àisim
Góa ê phòatshùi, sī beh hō͘ lâng khòaⁿ tshing jînsèng
Tshiáⁿ lí mài koán huatkuaⁿ ê phòaⁿkuat, in m̄ sī Siōngtè
Mā mài thiaⁿ hia o͘liôngse̍htō ê ōephoh, lâng lóng ū tsōe

Kîtó lí ê khàusiaⁿ thêngtsí
Góa tsintsiàⁿ bô koài lí
Hoántòtńg tio̍h kámsiā lí
Tī Siōngtè ê hing'á lāi
Góa m̄ sī polê
Góa sī sōantsio̍h