《赤崁樓ê情phoe》

 | | | 轉寄

Ékáu ê Iākhong ——Tshuki

作者 Kua Pik'êng 2021.07.18



Siān tauhtauh ê ji̍tthâu teh thua âng hê ê sin’iáⁿ
Kúi lúi o͘ jîn lânglâng sangsang tiàu tī thiⁿténg bóe
Pehkhui kam’á sik ê hônghun
Khaisí tsi̍t bān tsi̍t bān thàngthiàⁿ ê thunlún

Tōa sè tsiah tiko’á tī i ê iùbah téng
Peh khí peh lo̍h, ián lâi ián khì
Tsi̍t tsiah tsi̍t tsiah tshintshiūⁿ léng lāi ê to
Tsi̍t to tsi̍t to ó͘nōa i ê tshingtshun
Tsi̍t siaⁿ hiku tshoán, ta̍h phòa tsi̍t ê bāng
Kui tiáⁿ tshàukōaⁿ sng, imsí suhiong tsêng

Sangsang nńgnńg ê iā, tòng bē tiâu tsi̍t siaⁿ thó͘khùi ê tāngliōng
Khangkhang phàⁿphàⁿ ê ūi, ik tshut khó͘miā phiauphû ê sngeh
Khóliân iùjūn ê huesim, iáu bōe hù khuipau
Bô siaⁿ bô sueh tâi tī sòegua̍t ê kuaⁿtshâ lāi, tiaulêng

Li̍hkhui ê khangtshùi
Ǹgbāng gue̍hniû thīⁿ sionghûn

Gue̍hniû ê iosin, tsi̍t tshùn tsi̍t tshùn siausán, koh hongbóan
Tshongnó͘ ê kha pō͘ siaⁿ, tùi hīⁿkhang pê ji̍pkhì
Tsiù thiàⁿ ê sng pi, tùi hìkńg bū tshutlâi
Lāu khì ê thiⁿ íking seⁿsian
I tsua̍tbāng ê ba̍ktsiahmn̂g sittsiok tūilo̍h
Thó͘ tsi̍t kháu khùi, khòa tī
Ékáu ê iākhang