《赤崁樓ê情phoe》

 | | | 轉寄

Tsâbó͘ Gín’á ê Ji̍tkì —— Siū ge̍k jîtông

作者 Kua Pik'êng 2021.08.01



Mamĭ, góa tsiok siūⁿ lí ê
Papa kóng sī góa bô kuai, lí tsiah ē tsáu tshutkhì
Hāi góa háu kui mê

Papa kā góa kuaiⁿ tī phòami̍hking
M̄ hō͘ góa tha̍ktsheh koh tiāⁿtiāⁿ kā góa kòng
Kóng tshâbó͘gín’á phòakeh

Kin’áji̍t kehpiah ê SiǎoMěi lâi tsio góa tshitthô
Góa pháiⁿsè tòe i tshutkhì
In’ūi góa kui singkhu o͘tsheⁿ gênghueh

Papa ta̍k kang to tshàu tsiúbī
Góa paktó͘ tsiok iau, tsiok tshùita
Kanta SiǎoHuáng ē kā góa iô bóe’á

Tsahng papa lim tsiú tsùi teh tī góa ê singkhu téng
Hāi góa pàngjiō ê só͘tsāi lâu tsiok tsē hueh
Góa tsiok thiàⁿ, tsiok kiaⁿ, itti̍t háu
Papa kā góa siàn nn̄g ē tshùiphóe
Kóng góa sī liáutsîⁿhòe

Mamĭ, lí tī tóūi
Góa tsiok siūⁿ lí ê