《赤崁樓ê情phoe》

 | | | 轉寄

Lâi Bé Tsháikǹg O͘h! ── Tsiok ki tsântsiòng tsiá

作者 Kua Pik'êng 2021.08.15



Thàu tiongtàu ê ji̍tthâu, kā lûn’í ê lián’á hang tshut hûn
Tsi̍t sian tòkiu ê sin’iáⁿ, tsi̍t siuⁿ gō͘ hue tsháikǹg ê ēkha
Nn̄g tsat ta-pô͘ ê liân’ngāu thúi
"Lâi bé tsháikǹg o͘h──"

Hō͘ tshiahhóe pû kah tshut iû ê sinmiā
Kā ji̍tthâu khaiⁿ tī khatsiahphiaⁿ
Pitshám ê ba̍ktsiu siaplāu ko͘tsiâⁿ ê kng iáⁿ
Setsngkhò͘, thòkûn ê khajiah, lâihôe sòa tsáu
Liân tùnteⁿ tsi̍t ē to hiah khokthâu
Âng’âng ê sim pōngtio̍h léngléng ê hânliû
"Lâi bé tsháikǹg o͘h──"

Bôgîngō͘ lûikong hiônghiông phah tsi̍t siaⁿ khatshiùⁿ
Hûn jú thia̍p jú kāu, hō͘ jú lo̍h jú tsho͘
Goânpún êng siansian ê khathúi, tsáu kah tshintshiūⁿ piak kó͘-tī

Lâng kheh lâng ê khangphāng tshun tshut tsi̍t ki siáutham ê tshiútê
Tshia tò lûn’í la̍k tsi̍t me tsháikǹg siám ji̍pkhì hāng’á té
Lûn’í khòngkhakhiàu, tsháikǹg móa thiⁿ pue
Hō͘ ba̍ksái sīⁿ kah sausiaⁿ ê ko͘ iáⁿ tī thô͘kha pê
Thâumn̂g sàmsàm bīnsik pe̍h sísat
Tshùi’á khuikhui nââu imtsúi huah bô siaⁿ

Tsi̍t ki tsi̍t ki ba̍tba̍t ê tshùitûn pho͘ tsheⁿthî
Léng kiki ê ba̍ktsiu iûgoân léng kiki

Tapô͘ ê liân’ngāu thúi, thua tshut nn̄g tsōa tshiántshián hueh lō͘
Lō͘ ê tsīnpōng, lánlán tôaⁿ tshut tsi̍t siaⁿ kalúnsún
"Lâi bé ──tshái──kǹg──"