《赤崁樓ê情phoe》

| | | 轉寄

Tshùi Kā Tshái Pit Tshut Thâu Thiⁿ ── Kháu tsiok ōika



Ūitio̍h tháukhui abú katkiû ê ba̍kbâi
Ngē jím gêtsô khíhōaⁿ hueh saisai
Ūitio̍h thè apa ê hoânló kiámpûi
Khíkin kā ân piàⁿsè lim pit tsúi

Thiánkhui ōepò͘ pak'hong siā léng tsìⁿ
Tshùi kā tshái pit kùtsāi sng hong tshîⁿ
Tsi̍t phiat phiat tshut piànsūi ê huelúi
Tsi̍t ōe ōe tshut sèⁿmiā ê siktī

Lín kā thiaⁿ tshiūhio̍h ê phok’á siaⁿ leh pò͘tì tshunthiⁿ
Lín koh thiaⁿ sió khe’á tsúi tián âu leh liām kuasi
Lín khòaⁿ tsit pêng ji̍tthâu the tī bóe iah’á ê si̍tkó͘ téng
Lín khòaⁿ hit pêng khinliusiù ê tsiáu’á hioh tī hûn thâutsêng

Tshái pit kó͘tōng tsūiû ê tōa si̍t
Tshùi kā ngó͘ hue tsa̍p sik ê phangbī
Bāng tī sikpôaⁿ kngkng leh siámsih
Bô tshiú mā ē ōe tshut tsi̍t phiàn thiⁿ