《赤崁樓ê情phoe》

 | | | 轉寄

Lāu Kimmn̂g ê Simsū ── Kimmn̂g sióngsiōng tsi saⁿ

作者 Kua Pik'êng 2021.12.12




Kiâⁿji̍p uanuan khiaukhiau ê Kimmn̂g lāu ke
Tsi̍t tsiah thó͘káu’á hiòng lí pūi nn̄g siaⁿ tsheⁿhūn ê tsioho͘
Lāu‧khì ê sòegua̍t hiônghiông khiā khí‧lâi
Thí khui lia̍t âng huehkng tiámto̍h làukau ê kìtî

Gûni pe̍h ê koliông tiūsūi siautháu lāilāi ê siotsiú phang
O͘ le̍k ê hiânbútsio̍h thoân thòaⁿ thih hueh ê siktì
Peh Jī Sam phàutsiàn ê phûtiau siámsih éngkiú ê le̍ksú kongtshái
Pitli̍h ê tsân pi Tiaulêng ê phàutâi
Tī kôankôan ê Tàibú Suaⁿ téng tshī báng

Lāu ke bô siaⁿ bô sueh
Lāu tshù bô ōe bô kù
Sîkan tsēngtsēng’á ōaⁿ ia̍h
Íking bô phàutôaⁿ tia̍p lí ê gia̍hthâu
Sat siaⁿ ia̍h bē koh thiah lí ê tshùitûn
Lí kiâⁿkòe ê lō͘ hō͘ tsi̍t têng tsi̍t têng bûnbêng amtsa̍h

Tsi̍t tīn gia̍h gō͘tsheⁿ kî ê kap tshing thian pe̍h ji̍t sio tsim sio lám
Iōng tshitthô ê sim hō͘siōng kaupôe pôaⁿnóa
Le̍ksú ê sionghûn khehmóa iûkheh ê ba̍ktsiu
Sò͘kiat ê hongsio̍k ní tsi̍t sin hoânhôa
Sia̍p tshut kāukāu ê tângsian’á bī

Hn̄ghn̄g phahng ê phàulúi kap háipêngsòaⁿ
Tī se̍kiông ê nn̄g thâu khiú tōasoh
Bô lám bô ne ê ji̍tthâu tòng bē tiâu o͘hûn ê lêngtî
Ko͘tuaⁿ ê lō͘ting hiankhui àmmî tsáutshōe lâng’iáⁿ
Kiantēng ê huakangtsio̍h iûgoân thêngthêng hiòng tùihōaⁿ tshiàngsiaⁿ
Tsísī lí ba̍ktsiu lāi ê hóetsheⁿ tsátio̍h hua‧khì

Lí kā tókhi ê sòegua̍t kap tapô͘ ê óngsū
Kiáu gue̍hkng tsò tsi̍thóe thînlo̍h nââukhang
Unsi̍p tsi̍t siú seⁿko͘ ê kunkua
Siàuliām sí giāngiān ê hongkong