《大人囡a2詩》

 | | | 轉寄

Pîⁿ-tuāⁿ...貧tuāⁿ

作者 Li KhinhuaN 2005.12.25

listen



Lâng tī ji̍t-thau-kong ē-kha teh piaⁿ
人tī 日頭光下腳 teh piaⁿ;
I tī lāi-té líng-khì-thiaⁿ
伊 tī 內底冷氣廳。
Lâng teh tsáu, i teh kiâⁿ
人teh 走；伊teh 行。
Lâng teh kiâⁿ, i ē-tàng tiàm hia tiāⁿ-tiāⁿ
人teh 行；伊會tàng tiàm hia khiā 定定。
Lâng tiàm hia khiā, i tsē kah sì-tsiàⁿ sì-tsiàⁿ
人tiàm hia khiā ；伊坐kah四正四正。
Lâng tsē sì-tsiàⁿ, i theⁿ-í theⁿ tī mn̂g-kháu-tiâⁿ
人坐四正；伊theⁿ椅theⁿ tī 門口埕。
Lâng theⁿ theⁿ-í, i tó tiàm bîn-tshn̂g pàng im-ga̍k tī-teh thiaⁿ
人theⁿ theⁿ椅，伊倒 tiàm 眠床放音樂tī-teh聽。
Lâng tó bîn-tshn̂g, i khùn kah ji̍t-thâu pha̍k kha-tsiah-phiaⁿ
人倒眠床；伊睏kah 日頭曝kha-tsiah-phiaⁿ。
Lâng-lâng o-ló i hó-miā
人人o-ló 伊好命；
I sī bô hit-hō sin-miā
伊是無hit號身命，
Kik hit-hō sin-miā.
Kik hit號身命。
--2003/5/6 Harvard