《台語kah魔術》

 | | | 轉寄

0404~05清明節

作者 蘇晏德 2024.03.31

清明節(台語文)
Tshing-bêng-tseh(Tâi-gí-bûn)

四月初五清明節
Sì-gue̍h tshe-gōo Tshing-bêng-tseh
冗早起床見上帝
Liōng-tsá khí-tshn̂g kìⁿ Siōng-tè
朝陽禮拜來獻祭
Tiau-iông lé-pài lâi hiàn-tsè
全家出動掃墓地
Tsoân-ke tshut-tōng sàu bōng-tē

四月初五是清明
Sì-gue̍h tshe-gōo sī Tshing-bêng
主的事工無時停
Tsú ê sū-kang bô-sî-thêng
全家大細到墓前
Tsoân-ke tōa-sè kàu bōng-tsêng
數念祖先大恩情
Siàu-liām tsóo-sian tōa un-tsêng

清明節期食潤餅
Tshing-bêng tseh-kî tsia̍h lūn-piáⁿ
祈禱奉主的聖名
Kî-tó hōng Tsú ê sèng-miâ
保咱身體較勇健
Pó lán sin-thé khah ióng-kiāⁿ
熱心服事閣拍拚
Jia̍t-sim ho̍k-sāi koh phah-piàⁿ

清明節期來培墓
Tshing-bêng tseh-kî lâi pōe-bōng
大大細細齊出動
Tōa-tōa sè-sè tsiâu tshut-tōng
家族虔誠來事奉
Ka-tso̍k khiân-sêng lâi sū-hōng
上帝賜咱攏安康
Siōng-tè sù lán lóng an-khong