《胡文池牧師kap布農族》

 | | | 轉寄

建堂感動人ê故事

作者 胡文池 2009.06.28

興建聖殿事奉主是每位基督徒真樂意做ê事。一間美觀、宏偉ê聖殿，m̄-nā必須花費真tsē ê金錢，而且tio̍h保持熱烈ê信心tsiah ē-tàng完成。富裕ê平地信徒感覺食力，sàn-tshiah ê山地同胞遭受tio̍h ê困難koh-khah tsē，但是in願意付出任何代價來完成每一間禮拜堂。任何布農村莊siōng宏大，美麗ê建築物就是禮拜堂。

一、奉獻金錢
一九四七年底，我開始tī東部關山，借用神應病院ê病房向布農族人傳佈福音。到一九五三年八月就移轉到關山教會，借用平地人聚會ê地點來做禮拜。

每禮拜日lóng有三十guā位族人由附近各地來做禮拜。Siōng遠ê是由利稻村來，in tio̍h步行來回十二小時ê路途。了後來各村信徒漸漸增多，就分別tī家己ê村莊興建禮拜堂。

靠近關山ê里壠山布農族人mā因信徒增加，決定tī家己村中興建一座十八坪木造禮拜堂。當時ê估價tio̍h二萬元新台幣。常時ê族人知識未開，無人才thang當會計，所以in ê獻金lóng the̍h來交付婦人人保管。

有一工，一位熱心ê信徒叫丫ㄋㄙ－兀（Ansing）the̍h二千元來我家bueh奉獻為建堂之用。

伊講：「上帝知影咱bueh興建禮拜堂，特別幫助我，hō͘我今年ê土豆收成特別好。往年，一夾土豆只有二粒仁，今年大部分lóng結三粒仁，所得土豆全部賣光，得tio̍h二千元，因此我kā這錢全部奉獻為建堂之用。」

婦人人看伊the̍h出tsiah-ni̍h-tsē錢來奉獻，感動得流下目屎來。伊所穿ê是破舊ê衫褲，伊ê太太因缺乏營養á患肺病，in卻無為家己設想，為tio̍h建堂，無顧一切，奉獻了全部ê收入。

二、出賣愛妻ê人
一九五六年八月十三日是里瓏山教會獻堂ê日子，因為天氣清朗，而且教會是建設tī靠近山地ê半地交界，所以除了山胞外，iáu有真tsē平地信徒mā趕來參加獻堂典禮。人數大約三百人。

有了新ê禮拜堂，又koh是in出錢出力ê第一座禮拜堂，里瓏山山地信徒非常歡喜，前一日就開始準備ài殺二隻大豬請客，mā請一位廚師來煑大宴。

獻堂典禮早起十點開始，十一點結束，充滿感恩歡樂氣氛，並歡喜地坐席等待宴餐開菜。To̍h是tī tsit時。非常掃興ê消息傳來講，二隻大豬雖然天未光已殺了，但正beh開始調理時，警察忽然來臨，將豬肉全部沒收去了。

原因是án-ne：有一位山地女信徒ê丈夫是外省人，地雖然知影山地人殺豬是免稅。但是，bueh宴請平地人，規定中卻無被許可。伊想得tio̍h高額獎金，就到派出所密告。

里瓏山信徒非常tio̍h急，莫名其妙為何警察沒收in ê豬肉，最後查出原因，去繳納六百多元ê屠宰稅tsiah the̍h回豬肉調理。此餐宴延遲到下晡二點半tsiah開席。但是大家得悉事tuì-án-ne，出tī不得已，tī啼笑lóng非ê心情下，mā高歡喜興地享受了一頓好菜。

三、興建教堂受罰
南投縣望鄉教會ê指導者是村長全日昇。伊鼓勵信徒tio̍h興建禮拜堂來敬拜上帝，大家開了真tsē時間上山砍木、製材，運回建造禮拜堂。

不料tsit-ê tāi-tsì為警察探知，村長被帶到警察分局關進囚牢裡一個月tsiah釋放出來。In單純ê頭腦百思bē了解，興建聖殿來傳報上帝ê福音拯救罪人是好事，為什麼會hō͘警察處罰?土地是in ê祖先傳落來ê，樹木是天頂ê父神所種植ê，in認為有權來the̍h取樹木。但in m̄知影政府設有森林法，非經許可是buē-sái隨便砍伐木材ê。

光復了後因興建教會由山頂the̍h取木材á被處罰ê事，時常發生tī山地教會。

四、無閒顧kap自家
一九五九年七月，有一工早起，我到東部太平村主持獻堂典禮，平地、山地基督徒約有一百guā人參加。中晝，大家歡喜ê坐tī信徒厝內享受餐宴。

不料，宴席開始無久就下大雨了，同時茅草厝頂mā開始漏雨，滴下污水。阮只好將餐桌移動數次來逃避滴落來ê污水，但是四界lóng仝款，最後搬到siōng安全，新蓋ê教堂內tsiah享受得tio̍h最後一道菜。

食飽了後，我勸勉家主講：「lín平時tio̍h多注意家己khiā起ê房屋，若漏水，tio̍h多蓋幾層茅草tsiah好，基督徒tio̍h勤勞工作，bē-tàng pîn-tuāⁿ。」

伊講：「牧師，你m̄知影，tsit一年來，阮三十guā位會友，不分男女老幼，除了農忙時期，lóng同心合意，為tio̍h興建這座禮拜堂勞力工作，哪有時間修理家己ê厝。」我聽tio̍h tsit句話，大受感動。

五、獻力獻命
布農族大部分khiā起tī高山地帶，所以禮拜堂lóng是建設tī山頂，以前建堂所用ê材料全部是人工搬運，無像tī平地thang用卡車載運般方便。

以前ê木造禮拜堂經過十多年來ê風吹雨phah日晒，大部分lóng破舊成做危險ê建築物。並且經濟繁榮，hō͘大部份山地人mā跟tuè時風，改建為鋼筋水泥教堂。

水泥須要工人，一人一包ê背運，一步一步，步行二、三小時tsiah ē-tàng達到。砂石mā是笨重ê物件，ài tī數百尺深ê溪底用人工運起來。Tī都市裡五層以上ê樓房，人lóng tio̍h用電梯頂下，tī山頂興建禮拜堂，若m̄是聖靈ê工作，誰ē-tàng自願、m̄驚勞苦，辛勤作此工作。

為興建教會，m̄知有juā-tsē ê信徒獻上了in寶貴ê生命來完成這神聖ê工作。

六、追念馬來木宣道師
布農族馬來木宣道師惜于一九六五年九月三十日蒙主召回別世，永息其勞。次日上午九點由我主理告別式了後，安葬于故鄉馬遠村墓地，享年紀kan-taⁿ三十。若以壽命長短來衡量人生成敗。則伊一生to̍h是算為失敗，án-ne為神國犧牲ê年青勇士，全部是失敗者mah？貪生驚死ê匹夫則是成功者？

馬先生于民國五十一年由玉山神學書院畢業了後受派到偏僻ê下馬教會。伊m̄驚辛苦，踴躍赴任。由此為福音日夜奔走，勞心牧養微弱羊群。當時下馬禮拜堂為一小小茅屋，伊to̍h是鼓舞信徒信心kap奉獻，策劃新拜堂，並親自示範，掘土整地，帶領信徒由深谷運砂上山，或者由平地背負水泥，步行三小時山路tńg來到下馬。由此獻身ê工作，hō͘下馬教會完成建設壯麗堂皇ê禮拜堂。但卻因此積勞成疾，身軀開始無爽快。

民國五十三年調任到延平教會了後，伊m̄-nā不休養，肝iáu-kú工作，無惜氣力，傳揚真理，致使肝病惡化。雖然倒tī病床，心煞專tī教會，到禮拜日，時常忍痛tńg來到教會講道，致使病狀jú來jú bái，終于buē-sái koh再起，靈魂榮歸上天，肉體長眠安息!ah，伊是天國ê勇士!視死如歸。

馬先生別世消息傳出了後，同工kap信徒無m̄是心酸吐大氣，當此工人缺欠時際，少年ê馬先生竟然歸天，為布農教會一大損失，特別伊所牧養ê延平教會各信徒lóng表惋惜，哀悼。為酬謝其功勞，葬式由延平教會負責，以教會葬名儀，禮待此上帝盡忠ê僕人。

安息pah! 馬先生 您太thiám loh!

「我聽見tuì天頂有聲音講，你bueh寫下，tuì今以後tī主內面á死ê人有福了。聖靈講，無m̄-tio̍h，in息了家己ê勞苦，作工ê果效mā跟tuè in。」(啟示錄十四：13)