《胡文池牧師kap布農族》

 | | | 轉寄

磨練身心秘訣

作者 胡文池 2009.02.15

五十六年前，tī淡水中學一年級ê英文課本上，念到一句外國諺語．我iáu ē-tàng記得清清楚楚．tsit句話就 是
Early to bed and early to rise, is the way to Health, wealth, and wisdom.
(早睡kap早起是通往健康、富有、智慧之道路)
諺語(to̍h是俗語)是人類生活體驗出來ê結晶，一句簡 單ê話語thang表達一大堆生活上ê真理，hō͘咱得tio̍h益處。

早睡
依照淡水中學規定，學生宿舍是暗時十點熄燈，強迫學生睏。我tī當時養成了一生ê早睡習慣，hō͘我不致過勞thang保持健康ê快樂。雖然期考，我mā m̄-bat開夜車苦讀苦害家己。真tsē人因工作或娛樂到三更半暝，suah致使受涼或失眠，甚至引起其他病症。你看!大都市ê人比庄腳人晚睡，雖然三餐魚肉不缺，反tńg四界lóng是大病院，每家病院，ta̍k工客滿為患。

早起
小學時tsūn，我ê身軀瘦弱，時常感冒，患有敏感性慢性鼻炎，鼻孔常阻塞無通。有一工tī報紙上看tio̍h醫學報導「用冷水摩擦全身」對這毛病有效，就決心照辦。自初中一年開始，我每工早起五點就起床，早禱了後就kap一位同學經過烏暗ê行廊，進入浴室以冷水用力摩擦全身，磨練肉體，hō͘伊m̄驚冷。雖然冷水透骨ê寒天mā m̄-bat間斷。此法果然有效，半年以了後就無koh對寒冷敏感，鼻炎mā痊癒了：身軀mā強壯起來。Tuì-án-ni了後數十年，我繼續照樣做，保持健壯ê身軀，到山地奔走，傳報主ê福音。

智慧、富有
Tī中學時，每工清早由浴室tńg來到寢室ê時tsūn，真tsē同學iáu teh享受甜睡美夢。但是這寧靜ê早起却是我頭腦siōng清晰，讀冊siōng好ê時光，因此我ê學業一直保持優良。

講到財富，阮相信伊是上帝ê恩賜(歷代志下三十二：29)，並m̄是人人追求thang得。

讀冊人所ē-tàng得tio̍h ê tsit本冊本上ê智慧kap精神上ê富有。我m̄是商人，mā m̄是企業家，所以金銀雖然無，但有靈性上ê豐富，喜樂kap感謝ê生活。

胃病得痊癒
Tī淡水中學時，我時常胃部不爽快，mā可能是久坐讀冊，運動不足所致，食了真tsē藥品lóng無看tio̍h效。

了後來得tio̍h啟示!我想：我飲開水就bē胃痛，食了飯菜就胃痛。án-ne，我若將各樣食物嚼細為湯狀，就一定bē痛tsiah是。所以我就將每一嘴飯菜慢慢咀嚼七十次，一直到食物變成水一般tsiah吞落去，án-ne 繼續落去，以後胃就不痛了。

咱ê身軀是上帝ê殿(林前三；16 )，為tio̍h hō͘主使用，咱必須tio̍h保護身軀維持健康。