《綠色短評》

 | | | 轉寄

感謝美國制訂十幾部thīn台灣抗中國ê法案

作者 李南衡, TsoânTâijī/全台字 by Tsng Hūiphêng 2023.03.12


Tsoânbîn Tâioânjī pán/全民台灣字版簡稱TsoânTâiJī


[ Le̍ksik toánphêng ] Lí Lâmhêng

Kámsiā Bíkok tsètēng tsa̍p kúi pō͘ thīn Tâioân khòng Tiongkok ê huatàn!

Bíkok sîkan jīgue̍h jīpeh, Bíkok Liânpang Tsiònggīīⁿ Gōakau Úigoânhōe tsò tsi̍t khùi thongkòe 8 pō͘ thīn Tâioân khòng Tiongkok ê huatàn, kîtiong paukuat [Tâioân pó tsèngsi̍t si huatàn ], iaukiû Bíkok Kokbūkhing tēngkî kiámsī tùi Tâi kauóng tsúntsik, tsìtsió múi 2 nî hiòng kokhōe thêtshut pòkò. Tsitê huatàn ê tsúiàu bo̍ktik sī kakiông kokhōe tùi BíTâi kuanhē ê kàmtok, khakpó jīmhô Bíkok tùi Tâi tsèngtshik ê káipiàn, lóng sī ūitio̍h tshimhòa, kiônghòa siang pêng ê kuanhē.

Bíkok Tsiònggīīⁿ Gōaúihōe símgī 11 pō͘ thīn Tâioân khòng Tiongkok ê huatàn, kîtiong 8 pō͘ í kháuthâu piáukuat hongsik thongkòe, tûliáu [ Tâioân pó tsèngsi̍t si huatàn ] ígōa, kîtha 7 pō͘ huatàn, ū [ Tiongkok m̄ sī khaihuat tiong kok ka huatàn ], [ thêngtsí kiông tiah khìkuan huatàn] kah [ háité tiānlám kóankhòng huatàn ] téng. Tùi [ Tiongkok m̄ sī khaihuattiong kokka huatàn ], Tsiònggīīⁿ Gōakau Úigoânhōe tsúse̍k Mitsael McCaul tsítshut, Tiongkok līiōng khaihuattiong kokka ê tēūi, hiòng sèkài gînhâng kē līlu̍t sīmtsì bián līsik tāikhoán, kā tsîⁿ ēng lâi tsìnhêng "Ittài Itlō͘" tsèbū hāmtséⁿ gōakau, Bíkok ingkai tsó͘tsí tsit hāng hêngûi. Tse nátshiūⁿ tsi̍tê hógia̍hlâng khì gînhâng ēng tsin kē ê līsik tsiohtsîⁿ tshutlâi, tsiah pàng tānglāi tsiohtsîⁿ hō͘ tsintsiàⁿ bô tsîⁿ ê sàntshiahlâng.

[ Tâioân pótsèng si̍tsi huat ] ê thêàn tsiá, sī Bíkok Tsiònggīīⁿ Gōakau Úigoânhōe hù tsúse̍k An ōakéná (An Wagner) lúsū, i piáusī tsitê huatàn ū siókhóa siukái 2020 nîté thongkòe ê "Tâioân pótsènghuat", i kóng, [ Tâioân pótsèng si̍tsihuat] ē iaukiû Kokbūīⁿ tēngkî símtsa Bíkok kah Tâioân tsiaptshiok ê tsítō hongtsiam. Tsiahê tēngkî símtsa kah kingsin tio̍h káisik kai tsílâm ántsóaⁿ tshimhòa kah khoktōa BíTâi kuanhē, jîtshiáⁿ hoánèng BíTâi kuanhē ê kèta̍t, iutiám kah tiōngiàusèng. Tio̍h khólī Tâioân sī tsi̍tê bîntsú tângphōaⁿ, sī tsi̍tê tsuntiōng phó͘phiàn jînkoân kah bîntsú kèta̍tkuan ê tsūiû kah khàihòng ê siāhōe; khakpó kah Tâioân ê kuanhē théhiān Bíkok kah Tâioân ê tn̂gkî, tsoânbīn kiî kèta̍tkuan ê kuanhē, jîtshiáⁿ ūitio̍h hôpêng káikuat nn̄g hōaⁿ būntê tsoh tshut kònghiàn. Tshōe kihōe káitû tùi BíTâi tsiaptshiok ê jīmhô iáu lâu ū tsūngó͘ hāntsè, kah kóng tshingtshó ántsóaⁿ tsò ê kèe̍k.

Jīgue̍h jīpeh tsákhí, Bíkok Tsiònggīīⁿ Kimiông Ho̍kbū Úigoânhōe bô īgī thongkòe liáu 3 pō͘ sia̍p Tâi huatàn, [2023 nî Tâioân Tshiongtu̍t Tsó͘athuat ], [2023 nî put khîsī Tâioân huat ], [ póhō͘ Tâioân huat ]. Lán kantaⁿ lâi khòaⁿ [2023 nî Tâioân Tshiongtu̍t Tsó͘athuat ], tsúiàu beh hō͘ Tiongkok Kiōngsántóng tsaiiáⁿ nāsī hō͘ Tâioân itti̍t biānlîm gûihiám, m̄nā ē hō͘ tsin tsē Tiongkok kuaⁿoân ê tsâibū kongkò tī Tiongkok kongtsiòng bīntsêng, énghióng in tùi Tiongkok ê tsiáng khòng, koh ē hō͘ Tiongkok léngtōtsân kah in ê kasio̍k biānlîm giâmlē ê kimiông tsètshâi. Tse sī kokhōe kàu taⁿ ûitsí huattshut ê siōng tshingtshó ê sìn hō tsi it, iā tio̍h sī kóng siatsú Τiongkiōng léngtōjîn tùi Tâioân ū tshongpōng ê tsòhuat, Bíkok tsúnpī hō͘ in hùtshut tāikè.

　　Tsiahê huatàn tio̍h koh sàngkau Tsiònggīīⁿ Īⁿhōe símgī, Tsèng, Tsham nn̄g īⁿ thong kòe liáuāu tsiah tì tēkau Tsóngthóng tshiamsú āu tsiah sing hāu. Lán tsin kámsiā Bíkok ētàng tsètēng tsa̍p kúi pō͘ thīn Tâioân khòng Tiongkok ê huatàn, (230303)


Pe̍h-ōe-jī-pán/白話字版


[ Le̍k-sik toán-phêng ] Lí Lâm-hêng

Kám-siā Bí-kok tsè-tēng tsa̍p kúi pō͘ thīn Tâi-oân khòng Tiong-kok ê huat-àn!

Bí-kok sî-kan jī-gue̍h jī-peh, Bí-kok Liân-pang Tsiòng-gī-īⁿ Gōa-kau Úi-goân-hōe tsò tsi̍t khùi thong-kòe 8 pō͘ thīn Tâi-oân khòng Tiong-kok ê huat-àn, kî-tiong pau-kuat [Tâi-oân pó tsèng-si̍t si huat-àn ], iau-kiû Bí-kok Kok-bū-khing tēng-kî kiám-sī tùi Tâi kau-óng tsún-tsik, tsì-tsió múi 2 nî hiòng kok-hōe thê-tshut pò-kò. Tsit-ê huat-àn ê tsú-iàu bo̍k-tik sī ka-kiông kok-hōe tùi Bí-Tâi kuan-hē ê kàm-tok, khak-pó jīm-hô Bí-kok tùi Tâi tsèng-tshik ê kái-piàn, lóng sī ūi-tio̍h tshim-hòa, kiông-hòa siang pêng ê kuan-hē.

Bí-kok Tsiòng-gī-īⁿ Gōa-úi-hōe sím-gī 11 pō͘ thīn Tâi-oân khòng Tiong-kok ê huat-àn, kî-tiong 8 pō͘ í kháu-thâu piáu-kuat hong-sik thong-kòe, tû-liáu [ Tâi-oân pó tsèng-si̍t si huat-àn ] í-gōa, kî-tha 7 pō͘ huat-àn, ū [ Tiong-kok m̄ sī khai-huat -tiong kok -ka huat-àn ], [ thêng-tsí kiông tiah khì-kuan huat-àn] kah [ hái-té tiān-lám kóan-khòng huat-àn ] téng. Tùi [ Tiong-kok m̄ sī khai-huat-tiong kok-ka huat-àn ], Tsiòng-gī-īⁿ Gōa-kau Úi-goân-hōe tsú-se̍k Mitsael McCaul tsí-tshut, Tiong-kok lī-iōng khai-huat-tiong kok-ka ê tē-ūi, hiòng sè-kài gîn-hâng kē lī-lu̍t sīm-tsì bián lī-sik tāi-khoán, kā tsîⁿ ēng lâi tsìn-hêng "It-tài It-lō͘" tsè-bū hām-tséⁿ gōa-kau, Bí-kok ing-kai tsó͘-tsí tsit hāng hêng-ûi. Tse ná-tshiūⁿ tsi̍t-ê hó-gia̍h-lâng khì gîn-hâng ēng tsin kē ê lī-sik tsioh-tsîⁿ tshut-lâi, tsiah pàng tāng-lāi tsioh-tsîⁿ hō͘ tsin-tsiàⁿ bô tsîⁿ ê sàn-tshiah-lâng.

[ Tâi-oân pó-tsèng si̍t-si huat ] ê thê-àn tsiá, sī Bí-kok Tsiòng-gī-īⁿ Gōa-kau Úi-goân-hōe hù tsú-se̍k An ōakéná (An Wagner) lú-sū, i piáu-sī tsit-ê huat-àn ū sió-khóa siu-kái 2020 nî-té thong-kòe ê "Tâi-oân pó-tsèng-huat", i kóng, [ Tâi-oân pó-tsèng si̍t-si-huat] ē iau-kiû Kok-bū-īⁿ tēng-kî sím-tsa Bí-kok kah Tâi-oân tsiap-tshiok ê tsí-tō hong-tsiam. Tsiah-ê tēng-kî sím-tsa kah king-sin tio̍h kái-sik kai tsí-lâm án-tsóaⁿ tshim-hòa kah khok-tōa Bí-Tâi kuan-hē, jî-tshiáⁿ hoán-èng Bí-Tâi kuan-hē ê kè-ta̍t, iu-tiám kah tiōng-iàu-sèng. Tio̍h khó-lī Tâi-oân sī tsi̍t-ê bîn-tsú tâng-phōaⁿ, sī tsi̍t-ê tsun-tiōng phó͘-phiàn jîn-koân kah bîn-tsú kè-ta̍t-kuan ê tsū-iû kah khài-hòng ê siā-hōe; khak-pó kah Tâi-oân ê kuan-hē thé-hiān Bí-kok kah Tâi-oân ê tn̂g-kî, tsoân-bīn ki-î kè-ta̍t-kuan ê kuan-hē, jî-tshiáⁿ ūi-tio̍h hô-pêng kái-kuat nn̄g hōaⁿ būn-tê tsoh tshut kòng-hiàn. Tshōe ki-hōe kái-tû tùi Bí-Tâi tsiap-tshiok ê jīm-hô iáu lâu ū tsū-ngó͘ hān-tsè, kah kóng tshing-tshó án-tsóaⁿ tsò ê kè-e̍k.

Jī-gue̍h jī-peh tsá-khí, Bí-kok Tsiòng-gī-īⁿ Kim-iông Ho̍k-bū Úi-goân-hōe bô ī-gī thong-kòe liáu 3 pō͘ sia̍p Tâi huat-àn, [2023 nî Tâi-oân Tshiong-tu̍t Tsó͘-at-huat ], [2023 nî put khî-sī Tâi-oân huat ], [ pó-hō͘ Tâi-oân huat ]. Lán kan-taⁿ lâi khòaⁿ [2023 nî Tâi-oân Tshiong-tu̍t Tsó͘-at-huat ], tsú-iàu beh hō͘ Tiong-kok Kiōng-sán-tóng tsai-iáⁿ nā-sī hō͘ Tâi-oân it-ti̍t biān-lîm gûi-hiám, m̄-nā ē hō͘ tsin tsē Tiong-kok kuaⁿ-oân ê tsâi-bū kong-kò tī Tiong-kok kong-tsiòng bīn-tsêng, éng-hióng in tùi Tiong-kok ê tsiáng khòng, koh ē hō͘ Tiong-kok léng-tō-tsân kah in ê ka-sio̍k biān-lîm giâm-lē ê kim-iông tsè-tshâi. Tse sī kok-hōe kàu taⁿ ûi-tsí huat-tshut ê siōng tshing-tshó ê sìn hō tsi it, iā tio̍h sī kóng siat-sú Τiong-kiōng léng-tō-jîn tùi Tâi-oân ū tshong-pōng ê tsò-huat, Bí-kok tsún-pī hō͘ in hù-tshut tāi-kè.

　　Tsiah-ê huat-àn tio̍h koh sàng-kau Tsiòng-gī-īⁿ Īⁿ-hōe sím-gī, Tsèng, Tsham nn̄g īⁿ thong kòe liáu-āu tsiah tì tē-kau Tsóng-thóng tshiam-sú āu tsiah sing hāu. Lán tsin kám-siā Bí-kok ē-tàng tsè-tēng tsa̍p kúi pō͘ thīn Tâi-oân khòng Tiong-kok ê huat-àn, (230303)



美國時間二月二八，美國聯邦眾議院外交委員會做一氣通過8部thīn台灣抗中國ê法案，其中包括《台灣保證實施法案》，要求美國國務卿定期檢視對台交往準則，至少每2年向國會提出報告。Tsit-ê法案ê主要目的是加強國會對美台關係ê監督，確保任何美國對台政策ê改變，lóng是為tio̍h深化、強化雙旁ê關係。

美國眾議院外委會審議11部thīn台灣抗中國ê法案，其中8部以口頭表決方式通過，除了《台灣保證實施法案》以外，其他7部法案，有《中國m̄是開發中國家法案》、《停止強摘器官法案》kah《海底電纜管控法案》等。對《中國m̄是開發中國家法案》，眾議院外交委員會主席馬考（Mitsael McCaul）指出，中國利用開發中國家ê地位，向世界銀行低利率甚至免利息貸款，kā錢用來進行「一帶一路」債務陷阱外交，美國應該阻止tsit項行為。Tse ná像一個好額人去銀行用真低ê利息借錢出來，才放重利借錢hō͘真正無錢ê散赤人。

《臺灣保證實施法》ê提案者，是美國眾議院外交委員會副主席An ōakéná（Aⁿ Wagner）女士，伊表示tsit-ê法案有小可修改2020年底通過ê「台灣保證法」，伊講，《臺灣保證實施法》ē要求國務院定期審查美國kah臺灣接觸ê指導方針。Tsiah-ê定期審查kah更新tio̍h解釋該指南按怎深化kah擴大美台關係，而且反映美台關係ê價值、優點kah重要性。Tio̍h考慮臺灣是一個民主同伴，是一個尊重普遍人權kah民主價值觀ê自由kah開放ê社會；確保kah台灣ê關係體現美國kah臺灣ê長期、全面基於價值觀ê關係，而且為tio̍h和平解決兩岸問題作出貢獻。Tshōe機會解除對美台接觸ê任何猶留有自我限制，kah講清楚án-tsóaⁿ做ê計劃。

二月二八早起，美國眾議院金融服務委員會無異議通過了3部涉台法案：《2023年台灣衝突阻遏法》、《2023年不歧視台灣法》、《保護台灣法》。咱kan-taⁿ來看《2023年台灣衝突阻遏法》，主要beh hō͘中國共產黨知影若是hō͘台灣一直面臨危險，m̄-nā ē hō͘真tsē中國官員ê財務公告tī中國公眾面前、影響in對中國ê掌控，kohēhō͘中國領導層kah in ê家屬面臨嚴厲ê金融制裁。Tse是國會到taⁿ為止發出ê上清楚ê信號之一，也tio̍h是講設使中共領導人對台灣有倉皇（tshong-pōng）ê做法，美國準備hō͘ in付出代價。

　　Tsiah-ê法案tio̍h koh送交眾議院院會審議，眾、參兩院通過了後才遞交總統簽署後才生效。咱真感謝美國ē-tàng制訂十幾部thīn台灣抗中國ê法案， (230303)