《綠色短評》

 | | | 轉寄

向以色列人行最敬禮！

作者 李南衡, TsoânTâijī/全台字 by Tsng Hūi-phêng 2023.10.22




Tsoânbîn Tâioânjī pán/全民台灣字版簡稱TsoânTâiJī


《 Le̍ksik toánphêng 》　 Lí Lâmhêng

Hiòng Isulael lâng kiâⁿ tsòe kèng lé!

　　 Tsa̍pgue̍h tshetshit, Pale̍ksuting kik tsìn tso͘tsit 哈瑪斯(Hamas), suantshing tī nn̄g tiámtsing lāi ùi 加薩走廊 hiòng Isulael huatsiā 5,000 lia̍p hóetsìⁿ, Isulael tsosiūtio̍h pòaⁿ sèkí ílâi siōng tōa ê kongkik sūkiāⁿ, Hamas tshèng tshiú thu̍tphòa Isulael ōe tēng ê oāntshiongkhu kah antsoân ûinôa, ùi háilio̍kkhong tsìnji̍p Isulael lâmpō͘, tī 27 ê tētiám tsìnhêng siámtiānsik ê kongkik, siàu kah khòaⁿtio̍h lâng tō sàusiā, tshèngsat ê thêngtō͘.


Tsa̍pgue̍h tshetshit thàutsá, 50 miâ 哈瑪斯tshèngtshiú ùi thiⁿténg kànglo̍h, tu̍tsi̍p(突襲) 加薩 tēkhu tsiupiⁿ, Isulael ê suabô͘ tēkhu tngteh kípān tsi̍t tiûⁿ ū kúi tshing lâng tshamka ê imga̍k tseh. 哈瑪斯 khòaⁿtio̍h lâng tio̍h khui tshèng, sí bô khì tsáu bē lī hō͘哈瑪斯lia̍h khì 150 lâng tsoh jîntsit·ê ū tsin tsē miâ gōakok lâng, 哈瑪斯 ū khólêng ēng tshiú lāi ê jîntsit uihia̍p Isulael. Tējī kang tī imga̍k ē hiān tiûⁿ ū huathiān tio̍h 260 ê sithé.

　　 Tsa̍pgue̍h tshetshit tsáikhí, ū tshiaukòe 70 miâ 哈瑪斯 bútsong hūntsú tshimji̍p óa 加薩走廊 ê tsi̍tê Iôtáiah lâng îbînkhu卡法阿札, tùi tongtē kubîn tsìnhêng tōa tô͘sat, hiāntiûⁿ huathiān tāiiok 200 ê Isulael lâng ê síthé, pauhâm 40 ê iù gíná ê sithé, ū ê iù gíná ê thâu hông tsām tiāu.

　　 Tsa̍pgue̍h tshetshit, Isulael huat pò͘"tsiàntsing tsōngthāi kéngpò", tsiamtùi 哈瑪斯 ê kongkik, Isulael kokhông pō͘tiúⁿ kiôngtiāu, in hoān liáu giâmtiōng tshògō͘. Isulael tsónglí Netânyáhu誓言beh tùi 加薩走廊 huattōng pòho̍k sèng hoánkik. Kàu tsa̍pgue̍h tsa̍pit ûitsí, sianghong ū tshiaukòe 2,400 lâng síbông, ū 7,500 lâng siūsiong.

　　 Tsa̍pgue̍h tshetshit, Isulael kokhôngkun khaisí tōa kuibô͘ tsūtsi̍p pingla̍t, tingtiàu āupī e̍k kunjîn thiánkhui hoánkik, koklān tngthâu, Isulael īpī e̍k jînoân hunhun hióngèng hōtiàu, tsêng tsónglí 班奈特 mā kaji̍p īpī e̍k hânglia̍t. Kàu tsa̍pgue̍h tshetsa̍p Isulael āupī kun tāngoân jînsò͘ íking ta̍tkàu 36 bān.

　　 Tsa̍pgue̍h tshepeh sinbûn pòtō, sa 31 hòe ê阿夫拉哈米 íking tī Bíkok Newiok singua̍h sì nî, i kóng i kakī tsin hēngūn, bó͘ kah tshitkò gue̍h tōa ê tsâbó͘kiáⁿ lóng bián siū pōle̍k tshimhoān, tānsī koklān tng tsêng, i tio̍h sûisî khoán hó hênglí, bé "tan tsōa kiphiò", tshepeh tio̍h ē kàu tsi̍tê kitē pòtò.

　　 Ingkok 《BBC》 kìtsiá sing pue khì 賽普勒斯, bô siūⁿ kóng tsiânóng Isulael ê kiphiò lóng tsóng tēng móa, lóng sī beh kóaⁿ tńgkhì tsohping·ê. I tsoán pue khì 伊斯坦堡, tsúnpī tsoánki khì Isulael, tánthāi 9 tiámtsing. Tsin tsē lúkheh lio̍ksio̍k tsiūⁿki, kantāⁿ i bô. Hângkhong kongsi tēkhûn jînoân kā i kóng, hiahê hângpan sī "Isulael lâng hôikok ê kínkip panki".

Isulael khétāng tingtiàu tòatī kokgōa ê āupī kunjîn hôikok, tsa̍pgue̍h tshepeh, Isulael tsù Athénè tāisàikoán tshōa thâu hióngèng, tēng 20 tsiah panki sàng Isulael koktsik āupī kunjîn kóaⁿ tńgkhì tsó͘kok tsham tsiàn.

Tsa̍pgue̍h tsa̍pit sinbûn pòtō, Bíkok Newiok 甘迺迪 koktsè kitiûⁿ tsit kúi kang tshuthiān tsi̍t miâ sînpì lâmtsú khiā tī Isulael kokka hângkhong kūitâi hūkīn, tiāmtiām ūi siutio̍h Isulael kokhôngkun tingtiàu thongti hôikok ê lâng bé kiphiò, ki0tso͘ jînoân kóng hitê lâng tsóngkiōng íking ū bé 250 tiuⁿ pue óng Isulael ê kiphiò.

Àikok piàⁿ tāising ê Isulael lâng, goán hiòng lín kiâⁿ tsòikèng lé! (231013)

Tsù, 哈瑪斯 加薩走廊 卡法阿札　班奈特 阿夫拉哈米 賽普勒斯 伊斯坦堡　甘迺迪　tshiáⁿ liām Hôagí


Pe̍h-ōe-jī-pán/白話字版


《 Le̍k-sik toán-phêng 》　 Lí Lâm-hêng

Hiòng I-su-la-el lâng kiâⁿ tsòe-kèng lé!

　　 Tsa̍p-gue̍h tshe-tshit, Pa-le̍k-su-ting kik tsìn tso͘-tsit 哈瑪斯(Hamas), suan-tshing tī nn̄g tiám-tsing lāi ùi 加薩走廊 hiòng I-su-la-el huat-siā 5,000 lia̍p hóe-tsìⁿ, I-su-la-el tso-siū-tio̍h pòaⁿ sè-kí í-lâi siōng tōa ê kong-kik sū-kiāⁿ, Hamas tshèng tshiú thu̍t-phòa I-su-la-el ōe tēng ê oān-tshiong-khu kah an-tsoân ûi-nôa, ùi hái-lio̍k-khong tsìn-ji̍p I-su-la-el lâm-pō͘, tī 27 ê tē-tiám tsìn-hêng siám-tiān-sik ê kong-kik, siàu kah khòaⁿ-tio̍h lâng tō sàu-siā, tshèng-sat ê thêng-tō͘.


Tsa̍p-gue̍h tshe-tshit thàu-tsá, 50 miâ 哈瑪斯tshèng-tshiú ùi thiⁿ-téng kàng-lo̍h, tu̍t-si̍p(突襲) 加薩 tē-khu tsiu-piⁿ, I-su-la-el ê sua-bô͘ tē-khu tng-teh kí-pān tsi̍t tiûⁿ ū kúi tshing lâng tsham-ka ê im-ga̍k tseh. 哈瑪斯 khòaⁿ-tio̍h lâng tio̍h khui tshèng, sí bô khì tsáu bē lī hō͘哈瑪斯lia̍h khì 150 lâng tsoh jîn-tsit-·ê ū tsin tsē miâ gōa-kok lâng, 哈瑪斯 ū khó-lêng ēng tshiú lāi ê jîn-tsit ui-hia̍p I-su-la-el. Tē-jī kang tī im-ga̍k ē hiān tiûⁿ ū huat-hiān tio̍h 260 ê si-thé.

　　 Tsa̍p-gue̍h tshe-tshit tsái-khí, ū tshiau-kòe 70 miâ 哈瑪斯 bú-tsong hūn-tsú tshim-ji̍p óa 加薩走廊 ê tsi̍t-ê Iô-tá-iah lâng î-bîn-khu卡法阿札, tùi tong-tē ku-bîn tsìn-hêng tōa tô͘-sat, hiān-tiûⁿ huat-hiān tāi-iok 200 ê I-su-la-el lâng ê sí-thé, pau-hâm 40 ê iù gín-á ê si-thé, ū ê iù gín-á ê thâu hông tsām tiāu.

　　 Tsa̍p-gue̍h tshe-tshit, I-su-la-el huat pò͘"tsiàn-tsing tsōng-thāi kéng-pò", tsiam-tùi 哈瑪斯 ê kong-kik, I-su-la-el kok-hông pō͘-tiúⁿ kiông-tiāu, in hoān liáu giâm-tiōng tshò-gō͘. I-su-la-el tsóng-lí Ne-tân-yá-hu誓言beh tùi 加薩走廊 huat-tōng pò-ho̍k sèng hoán-kik. Kàu tsa̍p-gue̍h tsa̍p-it ûi-tsí, siang-hong ū tshiau-kòe 2,400 lâng sí-bông, ū 7,500 lâng siū-siong.

　　 Tsa̍p-gue̍h tshe-tshit, I-su-la-el kok-hông-kun khai-sí tōa kui-bô͘ tsū-tsi̍p ping-la̍t, ting-tiàu āu-pī e̍k kun-jîn thián-khui hoán-kik, kok-lān tng-thâu, I-su-la-el ī-pī e̍k jîn-oân hun-hun hióng-èng hō-tiàu, tsêng tsóng-lí 班奈特 mā ka-ji̍p ī-pī e̍k hâng-lia̍t. Kàu tsa̍p-gue̍h tshe-tsa̍p I-su-la-el āu-pī kun tāng-oân jîn-sò͘ í-king ta̍t-kàu 36 bān.

　　 Tsa̍p-gue̍h tshe-peh sin-bûn pò-tō, sa 31 hòe ê阿夫拉哈米 í-king tī Bí-kok New-iok sing-ua̍h sì nî, i kóng i ka-kī tsin hēng-ūn, bó͘ kah tshit-kò gue̍h tōa ê tsâ-bó͘-kiáⁿ lóng bián siū pō-le̍k tshim-hoān, tān-sī kok-lān tng tsêng, i tio̍h sûi-sî khoán hó hêng-lí, bé "tan tsōa ki-phiò", tshe-peh tio̍h ē kàu tsi̍t-ê ki-tē pò-tò.

　　 Ing-kok 《BBC》 kì-tsiá sing pue khì 賽普勒斯, bô siūⁿ kóng tsiân-óng I-su-la-el ê ki-phiò lóng tsóng tēng móa, lóng sī beh kóaⁿ tńg-khì tsoh-ping-·ê. I tsoán pue khì 伊斯坦堡, tsún-pī tsoán-ki khì I-su-la-el, tán-thāi 9 tiám-tsing. Tsin tsē lú-kheh lio̍k-sio̍k tsiūⁿ-ki, kan-tāⁿ i bô. Hâng-khong kong-si tē-khûn jîn-oân kā i kóng, hiah-ê hâng-pan sī "I-su-la-el lâng hôe-kok ê kín-kip pan-ki".

I-su-la-el khé-tāng ting-tiàu tòa-tī kok-gōa ê āu-pī kun-jîn hôe-kok, tsa̍p-gue̍h tshe-peh, I-su-la-el tsù A-thé-nè tāi-sài-koán tshōa thâu hióng-èng, tēng 20 tsiah pan-ki sàng I-su-la-el kok-tsik āu-pī kun-jîn kóaⁿ tńg-khì tsó͘-kok tsham tsiàn.

Tsa̍p-gue̍h tsa̍p-it sin-bûn pò-tō, Bí-kok New-iok 甘迺迪 kok-tsè ki-tiûⁿ tsit kúi kang tshut-hiān tsi̍t miâ sîn-pì lâm-tsú khiā tī I-su-la-el kok-ka hâng-khong kūi-tâi hū-kīn, tiām-tiām ūi siu-tio̍h I-su-la-el kok-hông-kun ting-tiàu thong-ti hôe-kok ê lâng bé ki-phiò, ki-0tso͘ jîn-oân kóng hit-ê lâng tsóng-kiōng í-king ū bé 250 tiuⁿ pue óng I-su-la-el ê ki-phiò.

Ài-kok piàⁿ tāi-sing ê I-su-la-el lâng, goán hiòng lín kiâⁿ tsòe-kèng lé! (231013)

Tsù, 哈瑪斯 加薩走廊 卡法阿札　班奈特 阿夫拉哈米 賽普勒斯 伊斯坦堡　甘迺迪　tshiáⁿ liām Hôa-gí





　　十月初七，巴勒斯坦激進組織哈瑪斯（Hamas），宣稱tī兩點鐘內ùi加薩走廊向以色列發射5,000粒火箭，以色列遭受tio̍h半世紀以來上大ê攻擊事件，哈馬斯銃手突破以色列畫定ê緩衝區kah安全圍欄，ùi海陸空進入以色列南部，tī27个地點進行閃電式ê攻擊，siàu kah看tio̍h人tio̍h掃射銃殺ê程度。


十月初七透早，50名哈瑪斯銃手ùi天頂降落，突襲加薩地區週邊、以色列ê沙漠地區當teh舉辦一場有幾千人參加ê音樂節。哈瑪斯看tio̍h人tio̍h開銃，死無去走bē離hō͘哈瑪斯lia̍h去150人作人質ê有真tsē名外國人，哈瑪斯有可能用手內ê人質威脅以色列。第二工tī音樂會現場有發現tio̍h 260 ê死體。

　　十月初七早起，有超過70名哈瑪斯武裝份子侵入óa加薩走廊ê一个猶太人屯墾區卡法阿札，對當地居民進行大屠殺，現場發現大約200 ê以色列人ê死體，包含40 ê具幼gín-á ê死體，有ê幼gín-á ê頭hông tsām掉。

　　十月初七，以色列發布「戰爭狀態警報」，針對哈瑪斯ê攻擊，以色列國防部長強調，in犯了嚴重錯誤。以色列總理Ne-tân-yá-hu誓言beh對加薩走廊發動報復性反擊。到十月十一為止，雙方有超過2,400人死亡、有7,500人受傷。

　　十月初七，以色列國防軍開始大規模聚集兵力，徵召後備役軍人展開反擊，國難當頭，以色列預備役人員紛紛響應號召，前總理班奈特mā加入預備役行列。到十月初十以色列後備軍動員人數已經達到36萬。

　　十月初八新聞報導，卅一歲ê阿夫拉哈米已經tī美國紐約生活四年，伊講伊家己真幸運，某kah七個月大ê查某kiáⁿ lóng免受暴力侵犯，但是國難當前，伊tio̍h隨時khoán好行李，買「單tsōa機票」，初八tio̍h ē到一个基地報到。

　　英國《BBC》記者先飛去賽普勒斯，無想講前往以色列ê機票lóng總訂滿，lóng是beh趕轉去作兵ê。伊轉飛去伊斯坦堡，準備轉機去以色列，等待9點鐘。真tsē旅客陸續上機，干單伊無。航空公司地勤人員kā伊講，hiah-ê航班是「以色列人回國ê緊急班機」。

以色列啟動徵召旅居國外ê後備軍人回國，十月初八，以色列駐雅典大使館tshōa頭響應，訂20隻班機送以色列國籍後備軍人趕轉去祖國參戰。

十月十一新聞報導，美國紐約甘迺迪國際機場tsit幾工出現一名神秘男子khiātī以色列國家航空櫃台附近，tiām-tiām為收tio̍h以色列國防軍徵召通知回國ê人買機票，機組人員講hit-ê人總共已經有買250張飛往以色列ê機票。

愛國拼代先ê以色列人，阮向恁行最敬禮！ (231013)

註：哈瑪斯　　加薩走廊　　卡法阿札　　班奈特　　阿夫拉哈米　　賽普勒 　　斯　　伊斯坦堡　　甘迺迪　　　請唸華語