《Lahjih寓言》

 | | | 轉寄

213-tsiam, 巧氣ê田蛤á

作者 蕭平治, 漢羅Ruby版處理：Lîm Tsùn-io̍k 2020.03.29





tsi̍t(一) bué(尾) tō͘-kún(杜蚓) á tī tiū-tshân(稻 田) ni̍h(裡) thiàu(跳) leh thiàu(跳) leh koh ngia̍uh-ngia̍uh-suan， ín-khí(引起) kīn(近) uī(位) á tshân-kap(田 蛤) á tsù-ì(注意) ， tsi̍t(一) tsiah(隻) tsi̍t(一) tsiah(隻) thiàu(跳) óa khì(去) ，「 pûi-pûi(肥 肥) 、 nńg-nńg(軟 軟) 、 phang-tiⁿ(芳 甜) ê tsu-bī(滋味) 」 hō͘ tshân-kap(田 蛤) á lâu(流) tshuì(嘴) nōa tsuí(水) ， tō͘-kún(杜蚓) á kè-sio̍k(繼 續) thiàu(跳) à thiàu(跳) ， kè-sio̍k(繼 續) ngia̍uh-ngia̍uh-suan， pûi-pûi(肥 肥) 、 nńg-nńg(軟 軟) koh phang-tiⁿ(芳 甜) ê tsu-bī(滋味) ，siâⁿ kah tsi̍t(一) tsiah(隻) tshân-kap(田 蛤) á tòng(擋) bē-tiâu， hiông-hiông(雄 雄) pà kuè-.khì(過 去) ，kā tō͘-kún(杜蚓) á kā(咬) tī tshuì(嘴) ，tng-tong beh thun(吞) lo̍h-âu(落喉) ，siáⁿ tsai(知) he tiò(釣) tsúi-ke(水 蛙) ê suàⁿ(線) tsi̍t-ē(一下) tioh， pue(飛) tsiūⁿ pòaⁿ-khong(半 空) tiong(中) ，「 a-niâ(阿娘) ŏe！」 tuā(大) huah tsi̍t-siaⁿ(一 聲) 「tŏp- tŏp」， pua̍h(跋) lo̍h(落) tshân-té(田 底) 。

tō͘-kún(杜蚓) á iū(又) koh kè-sio̍k(繼 續) thiàu(跳) ， kè-sio̍k(繼 續) ngia̍uh-ngia̍uh-suan， tshân-kap(田 蛤) á kè-sio̍k(繼 續) lâu(流) tshuì(嘴) nōa，hit tsiah(隻) hiám-hiám(險 險) á tio̍h tiàu(吊) ê tshân-kap(田 蛤) á， thâu(頭) uat-.leh， bô(無) koh tsài(再) huê-thâu(回 頭) 。

㊣ khé-sī(啟示) ： liu-liu(溜溜) tshiu-tshiu， tsia̍h(食) nn̄g(兩) luí(蕊) ba̍k(目) tsiu。 kà(教) tsi̍t(一) pái kuai(乖) ，tsiah-bē hō͘ lâng(人) phiàn(騙) m̄ tsai(知) 。