002-tsiam, 貓á kéⁿ-tio̍h魚á刺
niau á kéⁿ-tio̍h hî á tshì ： tsi̍t tsiah niau á hèng tshńg hî-thâu ， bô sè-jī khì hō͘ hî-tshì kéⁿ tī nâ-âu ， thiàⁿ kah beh sí ， kuáⁿ-kín khì tshōe pe̍h-lêng-si ：「 pài-thok kā guá nâ-âu ê hî-tshì ngiáu tshut-.lâi ， guá lia̍h 10 bué hî á kā lí suat to-siā ！」
pe̍h-lêng-si kiò niau á tshuì peh khui ， khin-khin sang-sang to̍h kā hî-tshì kā tshut-.lâi 。 niau á khin-sang kah， kuáⁿ-kín kā pe̍h-lêng-si suat to-siā ，uat-.leh to̍h beh lī-khui 。
pe̍h-lêng-si ：「 lí m̄ sī kóng beh lia̍h 10 bué hî á hō͘ guá ？」
niau á kóng ：「 guá kiaⁿ tsuí ，ná ū hit-lō tsâi-tiāu lia̍h-hî á？」
㊣ gū - ì ： thò͘ liân-siân， sìn kháu khui hô ， kóng-uē bô sǹg uē ，to̍h sī bô sìn-iōng 。
註解：
kéⁿ-tio̍h：[被食物或小骨頭卡住喉嚨]
hèng tshńg：[喜歡用嘴巴吸取剔除食物]
sè-jī：[小心]
ngiáu：[用尖棒子挑起挖取的動作]
嘴peh開：[嘴張開]
uat：[轉彎改變方向]
ná有：（哪有）[怎麼有？]
hit-lō tsâi-tiāu：[那種能力]
吐liân-siân：[信口開河]
|
|
|
轉寄