《Lahjih寓言》

 | | | 轉寄

028_tshiám, 兩隻niáu鼠

作者 蕭平治, 漢羅Ruby版處理：Lîm Tsùn-io̍k 2020.09.20



nn̄g(兩) tsiah(隻) kau-tsêng(交 情) tsin(真) hó(好) ê niáu tshí(鼠) ， tsi̍t(一) tsiah(隻) tòa lâng(人) tshù(厝) tau， tsi̍t(一) tsiah(隻) tòa tī tshân-iûⁿ(田 洋) 。 tshân-iûⁿ(田 洋) niáu tshí(鼠) tsiau-thāi(招 待) tshù(厝) tau niáu tshí(鼠) khì(去) tshân-iûⁿ(田 洋) tshit-thô tsi̍t(一) kang(工) 。

tshù(厝) tau niáu tshí(鼠) kóng(講) ：「 tshân-iûⁿ(田 洋) thó-tsia̍h(討 食) ná khit-tsia̍h(乞 食) ， ū(有) kàu(夠) khó-liân(可 憐) ，kui-khì suá(徙) lâi(來) kah guá(我) tsò-hué(做 伙) tòa。」 tshân-iûⁿ(田 洋) niáu tshí(鼠) lâi(來) kàu(到) lâng(人) tshù(厝) tau， khuàⁿ(看) tio̍h hó(好) tsia̍h-mi̍h(食 物) ta̍k hāng(項) ū(有) ，tsiok him-siān(欣 羨) 。 tng(當) in khai-sí(開 始) beh tsia̍h(食) ê sî(時) ，「īⁿ-uaiⁿ」 tsi̍t-siaⁿ(一 聲) ， lâng(人) tshù(厝) tau niáu tshí(鼠) suî-sî(隨時) tsáu(走) kàu(到) bô(無) khoàiⁿ iáⁿ(影) ， hāi(害) tshân-iûⁿ(田 洋) niáu tshí(鼠) bih tiàm toh-kha(桌 腳) ， kiaⁿ(驚) kah phi̍h-phi̍h-tshuah， guân-lâi(原 來) sī(是) ū(有) lâng(人) ji̍p-.lâi(入來) 。

bô(無) jōa kú(久) ，「īⁿ-uaiⁿ」 tsi̍t-siaⁿ(一 聲) ， lâng(人) tshut-khì(出 去) à，in koh tsún-pī(準 備) beh tsia̍h(食) ， iū(又) koh thiaⁿ(聽) tio̍h lâng(人) ê kha-pō͘(腳 步) siaⁿ(聲) ， lâng(人) tshù(厝) tau niáu tshí(鼠) suî-sî(隨時) koh tsáu(走) kàu(到) bô(無) khoàiⁿ iáⁿ(影) ， tshân-iûⁿ(田 洋) niáu tshí(鼠) kāng-khuán(仝 款) bih tiàm toh(桌) kha，m̄ káⁿ(敢) tshut-.lâi(出 來) 。

thau-tsia̍h(偷 食) nn̄g(兩) pái bô(無) sêng(成) ， kiaⁿ(驚) kah siàm sái(屎) ê tshân-iûⁿ(田 洋) niáu tshí(鼠) ，bē kì-tit(記得) pak-tó͘(腹肚) iau kah beh sí(死) ：「Iáu sī(是) tńg lâi(來) tshân-iûⁿ(田 洋) ， kha-ta̍h(腳 踏) si̍t-tē(實地) thó-thàn(討 趁) khah tsū-tsāi(自 在) ，tsit tsióng(種) tsha̍t(賊) á͘ sing-ua̍h(生 活) guá(我) bô(無) ài。」

㊣ gū - ì(寓意) ： kán-tan(簡 單) sing-ua̍h(生 活) khah tsū-tsāi(自 在) ， kiaⁿ-hiâⁿ(驚 惶) khióng-pò͘(恐 怖) ê hiáng-siū(享 受) tian-tò(顛倒) hāi(害) 。

註解：
厝tau：（屋內）
田洋：[田野]
ná乞食：[像乞丐]
kui-khì： [乾脆]
徙：[搬遷]
khoàiⁿ（=看見/khòaⁿ-kìⁿ）：[看見]
phi̍h-phi̍h-tshuah：[不停害怕發抖]
iⁿ-uaiⁿ：[關門開門聲音]
無成：[沒成功]
siàm屎：[因為生病或者驚嚇等原因，不由自主的排泄糞便]
顛倒害：[反而不好]