047_tshiám, 粉鳥鷹招紅鶯、黃鶯飛行表演
hún-tsiáu-ing khuàⁿ âng-ing kah n̂g-ing tī tshiū-nâ lāi huaⁿ-hí tshiùⁿ-kua ，to̍h ké-hó-sue lâi kā in sio-tsioh-mn̄g ： 「Oh！Lín tī tsia tshiùⁿ-kua oh，tsiok hó thiaⁿ neh！Oh！Lín ê sing-khu mā tshīng tsiok súi，kui sing-khu n̂g gím-gím ， ū kàu kó͘-tsui， âng súi o͘ tuā pān ê phòe-sik koh khah phiau-phiat ， nā pue tiàm pòaⁿ-khong tiong ， ji̍t-thâu kng tsi̍t-ē tshiō，m̄ tsai bueh jōa-ni̍h iáⁿ-ba̍k leh， lán tsò-hué lâi-khì khong-tiong pue ， hó bò͘？」 âng-ing bē kham-tit hó thiaⁿ uē o-ló，tsiok siūⁿ bueh tòe hún-tsiáu-ing khì pue ， tián-pó tsi̍t-.ē ， n̂g-ing kuáⁿ-kín thau-thau á kā i thok-thâu ： 「M̄-thang，m̄-thang，sian to m̄-thang， lí bô thiaⁿ-kìⁿ lâng kiò i hún-tsiáu-ing hioh， i sī tsuan-bûn kong-kik hún-tsiáu 、 pan-kah ê hún-tsiáu-ing ，mài tshap i ， lán lâi tsáu 。」 ㊣ gū - ì ： ba̍k-tsiu peh ho͘ kim ， hīⁿ-khang ngiáu ho͘ lāi ，tsiah bē hō͘ lâng phiàn m̄ tsai 。
註解：
Hún-tsiáu-ing（粉鳥鷹）＞鳳頭蒼鷹＞Formosan Crested Goshawk
Âng-ing（紅鶯）＞大緋鳥、朱鸝＞Swinhues Maroon Oriole
N̂g-ing（黃鶯）＞黃鸝＞Black-naped Oriole.
炤（tshiō）：[用聚光燈、手電筒等的光照亮]
jŏa-.ni̍h （偌爾）：[多麼，加重語氣時]
影目（iáⁿ-ba̍k）：[搶眼、醒目、顯眼]
做伙（tsò-hóe）：[一起、一塊兒]
sian m̄-thang（sian毋通）：[千萬不可以]
托頭（thok-thâu）：[提醒、暗示]
mài tshap伊（莫插i）：[不要理他]
目睭peh ho͘ 金（ba̍k-tsiu擘予kim）：[睜亮眼睛]
|
|
|
轉寄