《Lahjih寓言》

 | | | 轉寄

049_tshiám, 風kah日頭相輸

作者 蕭平治, 漢羅Ruby版處理：Lîm Tsùn-io̍k 2020.12.06


hong(風) bî-bî(微微) á tshue(吹) sī(是) tsiok sóng-khuài(爽 快) ， hong(風) nā(若) piàⁿ-miā(拚 命) tshue(吹) ，ē kiaⁿ(驚) sí(死) lâng(人) ； ji̍t-thâu(日 頭) tshiō kng(光) sàng(送) un-luán(溫 暖) ， kôaⁿ-.lâng(寒 人) ji̍t-kng(日光) tsin(真) sio(燒) 烙， jua̍h-.lâng(熱 人) iām(炎) thiⁿ(天) tshiah(赤) ji̍t-thâu(日 頭) ，hō͘ lâng(人) tshàu(臭) kuāⁿ(汗) it-ti̍t(一直) lâu(流) 。

ū(有) tsi̍t(一) kang(工) ， hong(風) tsio(招) ji̍t-thâu(日 頭) sio(相) su(輸) ， khuàⁿ(看) siáng ê ui-le̍k(威力) khah lī-hāi(厲害) ，in suán(選) tsi̍t-ê(一个) kuè-lō͘(過路) lâng(人) tsò(做) bo̍k-piau(目 標) ， khuàⁿ(看) siâng ū(有) huat-tō͘(法 度) hō͘ i(伊) kā saⁿ(衫) 褪 tiāu(掉) 。

hong(風) bî-bî(微微) á tshue(吹) ， kuè-lō͘(過路) lâng(人) saⁿ(衫) bô(無) liú(鈕) ， kám-kak(感 覺) tsiâⁿ sóng-khuài(爽 快) 。 hong(風) khai-sí(開 始) thàu(透) tuā-hong(大 風) ， kuè-lō͘(過路) lâng(人) kuáⁿ-kín(趕 緊) kā saⁿ-liú(衫鈕) liú(鈕) hō͘ hó(好) 。M̄-siàn-siàⁿ， hong(風) koh-khah tshut-la̍t(出 力) tshue(吹) ， tshin-tshiūⁿ(親 像) tsò(做) hong-thai(風 颱) ， kuè-lō͘(過路) lâng(人) suah tsáu(走) tńg khì(去) tha̍h tsi̍t(一) niá(領) guā-thò(外 套) ，thuah liān(鏈) thuah ân-ân，sian tshue(吹) to(都) tshue(吹) bē lo̍h-.lâi(落來) 。

Koh lâi(來) ， uāⁿ(換) ji̍t-thâu(日 頭) tián(展) kang-hu(功 夫) ， ji̍t-thâu(日 頭) tián-khui(展 開) tshiò-iông(笑 容) ， un-tō͘(溫度) tsiām-tsiām(漸 漸) sio(燒) 烙， kuè-lō͘(過路) lâng(人) kā guā-thò(外 套) thǹg tiāu(掉) 。 ji̍t-thâu(日 頭) kng(光) ná lâi(來) ná iām(炎) ， kuè-lō͘(過路) lâng(人) khai-sí(開 始) lâu-kuāⁿ(流 汗) ， un-tō͘(溫度) ná koân， kuāⁿ(汗) suah tsho̍p-tsho̍p-tin，kui-khì kā saⁿ(衫) thǹg tiāu(掉) ， hiám-hiám(險 險) á kā lāi-khò͘(內褲) mā thǹg tiāu(掉) ，to̍h thiàu(跳) lo̍h-.khì(落去) tsuí-tî(水池) siû-tsuí(泅 水) 。

㊣ gū - ì(寓意) ： pà-tō(霸道) kiông-pik(強 迫) bô(無) it-tēng(一 定) ē iâⁿ(贏) ， tián-hiān(展 現) si̍t-le̍k(實力) 、 jia̍t-tsîng(熱 情) tsiah sī(是) pún-téng(本 等) 。

註解：
微微á（bî-bî-á）：[稍微、一點點]
燒烙（sio-lo̍h）：[溫暖]
寒人（kôaⁿ-.lâng）：[冬天]
熱人（jua̍h-.lâng）：[夏天]
相輸（sio-su）：[打賭、比輸贏]
誰（tsiâ）：[誰]
hō͘伊kā衫褪掉（予i 共saⁿ thǹg-tiāu）：[讓他將衣服脫掉]
衫無鈕（saⁿ bô liú）：[上衣鈕釦沒釦]
M̄-siàn-siàⁿ（毋信聖）：[不信邪]
tha̍h一領外套（疊tsi̍t-niá gōa-thò）：[加穿一件外套]
thuah鏈thuah ân-ân（挩liān挩絚絚）：[拉鍊拉緊]
ná來ná炎（那lâi那iām）：[越來越炎熱]
tsho̍p-tsho̍p-tin（嘈嘈滴）：[滴滴答答滴個不停]
kui氣（規氣）：[乾脆]
險險á（hiám-hiám-á）：[差一點點]
本等（pún-téng）：[本領、本事]