《台語荒漠甘泉（全羅版）》

 | | | 轉寄

"Piàⁿ hō͘ I"

作者 陳清俊 翻譯 2011.05.22

listen


Gō͘ ge̍h jī-jī (Gō͘ ge̍h jī-tsa̍p-jī ji̍t)

“Tio̍h tsiong lí ê tāi-tsì kau-tài Iâ-hô-hua; Koh uà-khò I, I beh hō͘ i tsiâⁿ.” (Si-phian 37:5)

Tsit tsat si guân-lâi ê ì-sù sī “Tsiong tāi-tsì lìn kàu Iâ-hô-hua koh uá-khò I, I uē tsuè-tsiâⁿ.” Jīm-hô ê tàⁿ tuì lán ê tshiú lìn hō͘ I, á-sī piàⁿ hō͘ I, I uē sîng-tsiū. Bô-lūn sī pi-siong, khùn-lân, á-sī sin-thé ê khiàm-kheh, tuì só͘ thiàⁿ ê lâng tit-kiù ê kuan-sim, long thang tsuân-pō͘ piàⁿ hō͘ I, I uē li̍p-khik hîng-tōng, tik-khak beh sîng-tsuân.

I sím-mi̍h sî uē tsuè? Li̍p-khik khì tsuè. Lán só͘ piáu-hiān tshin-tshiūⁿ Siōng-tè pīng buē tsiap-siū lán tuì I ê sìn-khò, suah tam-gō͘ lán tshiáⁿ I só͘ tsuè ê sū. Lán bô liáu-kái, lán tsi̍t ē kau-hù, “I li̍p-khik khì tsuè.” Lán ài o-ló I, “I li̍p-khik khì tsuè” sī tsin-si̍t ê tāi-tsì.

Sìng-lîng uē khì tsuè tsiâⁿ lán só͘ kàu-thok I ê sū, tsiū sī lán tuì I sîng-tsuân ê kî-thāi. Tng lán kau-thok I, tsit ê tāi-tsì tsiū bô koh tī lán ê tshiú nih, lán m̄-thang koh siūⁿ beh koh khì tshap, in-uī I tik-khak sîng-tsiū. Tsai I uī-tio̍h lán ê khùn-lân teh tsuè, lán ing-kai an-sim, iā thang an-uì.

Tng ū lâng kóng “guá khuàⁿ bô tio̍h kiat-kó”, lán mài tshap i.

Nā-sī lí tsiong lí ê tàⁿ lóng-tsóng lìn hō͘ I, sià hō͘ I, piàⁿ hō͘ I, koh “gióng-bōng Iâ-so͘” (Hi-pik-lâi 12:2), I tsiū uē sîng-tsuân. Lí ê sìn-sim uē siū-tio̍h khó-giām, tān-sī I tik-khak beh sîng-tsuân. I ê uē sī tsin ê! --- V.H.F.

“Guá beh kiû-kiò tsì-kuâiⁿ ê Siōng-tè, tsiū-sī kā guá tshiâⁿ-tì (sîng-tsuân) ta̍k-hāng sū ê Siōng-tè.” (Si-phian 57:2)

Kū ê huan-i̍k sī “I beh uī guá sîng-tsuân tī guá tshiú-tiong ê sū.” Tse hō͘ guá ū tshim-tshim ê tshin-tshiat kám. Guá tshiú-tiong ê sū -- tsiū-sī guá kim-ji̍t ê sū, sī guá só͘ buē thang khòng-tsè ê iu-lū, sī tshiau-kè guá ê lîng-li̍k ê kang-tsok, sī guá ài kiû-kiò I uī guá tsuè ê sū. Tsai I beh sîng-tsiū. “Tì-huī ê lâng, pīng in ê tsok-uî lóng tī Siōng-tè ê tshiú tiong” (Thuân-tō 9:1). --- Frances Ridley Havergal

Tsú uē kian-siú I só͘ li̍p ê ìng-ún. Kìⁿ-nā tī I ê tshiú nih ê, I só͘ tsiap tio̍h ê, lóng beh sîng-tsuân. I kè-khì ê un-tián thang tsuè tsiong-lâi ê pó-tsìng, sī ta̍t-tit lán ǹg I lâi kiû-thó. --- Tsarles H. Spurgeon


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org