《台語荒漠甘泉（全羅版）》

 | | | 轉寄

"Tsì-hó pîng-iú"

作者 陳清俊 翻譯 2011.05.29

listen



Gō͘ ge̍h jī-káu (Gō͘ ge̍h jī-tsa̍p-káu ji̍t)

“nā-sī guá í-king kiò lín tsuè pîng-iú.” (Iok-hān hok-im 15:15)

Í-tsîng ū tsi̍t ê Tik-kok ê lāu kàu-siū, i ū bí-hó ê sing-ua̍h, iā siū ha̍k-sing tsun-kìng.Ha̍k-sing ài tsai i ê pì-kuat. Ū tsi̍t-ji̍t, ha̍k-sing phài tsi̍t lâng bih tī i ê tha̍k-tsheh-pâng.

Kàu-siū uàⁿ-uàⁿ tńg-lâi, í-king tsin siān, tsóng-sī i iáu-sī ji̍p i ê tsheh-pâng tha̍k tsi̍t tiám-tsing ê sìng-king, jiân-āu tiām-tiām-á kî-tó. Tsuè-āu tsiong sìng-king khàm khí-lâi kóng, “Tsú ah, lán iáu sī pó-tshî tsin-hó ê lāu pîng-iú.”

“Jīn-bat Ki-tok” (Hui-li̍p-pí 3:10) sī jîn-sing siōng-tuā ê sîng-tsiū. Muí tsi̍t ê ki-tok-tô͘ lóng ing-kai ló-li̍k kap I pó-tshî hó-pîng-iú ê kuan-hē.

“Jīn-bat Ki-tok” sī tuì tiām-tiām ê kî-tó kap kò-jîn muí-ji̍t ê gián-kiù sìng-king só͘ tit ê sîng-kó. Lâng tī sing-ua̍h siōng lú kap Iâ-so͘ tshin-bi̍t kau-óng, lú uē kám-kak I tsin si̍t-tsāi.

Lí kóng-uē, I teh thiaⁿ,
Lîng kap lîng saⁿ thiàⁿ,
Khah kūn ho͘-khip siaⁿ,
Pí kha-tshiú khah khûn kiâⁿ.


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org